,
ამერიკულ გაზეთ „უოლ სთრით ჯორნელში“ (The Wall Street Journal) გამოქვეყნებულია სტატია სათაურით „რუსეთის გაძლიერებისა და მოკავშირეებში არსებული განხეთქილების შემყურე უკრაინა დამწუხრებული და მიყუჩებულია“ (ავტორები - დენიელ მაიკლსი და ალისტერ მაკდონალდი).
გთავაზობთ პუბლიკაციის მოკლე შინაარსს:
„ძალიან საეჭვოა, რომ უკრაინის შეიარაღებულმა ძალებმა წარუმატებელი საზაფხულო კონტრშეტევის შემდეგ მომავალ 2024 წელს რაიმე ახალი მსხვილი შემტევითი მოქმედება განახორციელოს“, - ნათქვამია გავლენიანი ამერიკული გამოცემის მასალაში, რომელიც დასავლელი დიპლომატებისა და სამხედრო ექსპერტების მოსაზრებებს იმოწმებს.
უკრაინის არმია დაიღალა...
„უკრაინის არმია, რომელმაც ფართოდ პროპაგანდირებული კონტრშეტევით რეალურად რაიმე მნიშვნელოვან წარმატებას ვერ მიაღწია, იძულებული გახდა თავდაცვითი, პოზიციური ბრძოლის ტაქტიკაზე გადასულიყო. ამასთან ერთად, დასავლეთის ეკონომიკური და სამხედრო დახმარება მნიშვნელოვნად შესუსტდა, ევროკავშირი და აშშ გარკვეულ სიძნელეებს განიცდის კიევისადმი პრაქტიკული სოლიდარობის საკითხში. მოხდა კიდევ უფრო უარესი ამბავი: თვით უკრაინის ხელისუფლებასა და სამხედრო სარდლობას შორის პოლიტიკური უთანხმოება გაჩნდა“, - აღნიშნავენ ავტორები.
„დასავლელი დიპლომატები და სამხედრო სტრატეგოსები ამბობენ, რომ დაღლილ დაქანცული და ძალებისაგან გამოფიტული უკრაინას დრო ჭირდება აღსადგენად და რომ კიევი, როგორც ჩანს, 2025 წლამდე ძალას ვერ მოიკრებს კიდევ ერთი მნიშვნელოვანი კონტრშეტევის განსახორციელებლად“, - ხაზგასმულია პუბლიკაციაში.
...და მას დასვენება და ძალების აღდგენა ჭირდება
სტატიის ავტორები ყურადღებას ამახვილებენ იმაზე, რომ უკრაინის უნარი - დაიბრუნოს და კვლავ გააკონტროლოს დაკარგული ტერიტორიები - დღეს საეჭვოდ არის მიჩნეული. იმავდროულად კი, უკრაინისაგან განსხვავებით, რუსეთის ეკონომიკა ვითარდება, „ქვეყანა პრაქტიკულად სამხედრო რელსებზეა გადასული“. კრემლის მიერ განხორციელებულმა პოლიტიკამ რუსეთის პოზიციები საგრძნობლად განამტკიცა როგორც ბრძოლის ველზე, ასევე - ბოლო დროს - დიპლომატიურ სარბიელზეც.
ამ ფონზე დასავლელი ლიდერები „უკრაინისათვის გამარჯვების დაპირებებიდან“ ნელ-ნელა გადადიან მისი ბრძოლისადმი „უბრალო მხარდაჭერაზე“. ისეთი პირი უჩანს, რომ ნებისმიერ შემთხვევაში ომი უკვე გაჭიანურებული და ხანგრძლივი იქნება.
თუ უკრაინა და მისი მოკავშირეები შეძლებენ ამჟამინდელი პრობლემებისადმი გამკლავებას, ასეთ სიატუაციაში, დასავლელი სტრატეგოსების აზრით, 2024 წელი, უკეთეს შემთხვევაში, უკრაინის არმიისათვის „აღდგენისა და ძალების მოკრების წელი“ გახდება.
წყარო: https://www.dw.com/ru/wsj-vsu-ne-smogut-provesti-novoe-nastuplenie-do-2025-goda/a-67679115
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
