,
„რომის პაპმა ფრანცისკმა მე-18 საუკუნის იმ რუსი იმპერატორების საქმინობა განადიდა, რომლებიც ვლადიმერ პუტინისათვის მოდელები გახდნენ უკრაინის წინააღმდე მიმართულ ტერიტორიულ პრეტენზიებში. პაპის ასეთი პოზიცია დაგმო როგორც უკრაინის მთავრობამ, ასევე უკრაინის ბერძნულ-კათოლიკურმა ეკლესიამაც“, - წერს ფრენსის როკა, აშშ-ის გაზეთ „უოლ სთრით ჯორნელში“ (The Wall Street Journal) გამოქვეყნებულ სტატიაში სათაურით „რომის პაპი ფრანცისკე, უკრაინის ომის ფონზე, რუსულ ისტორიულ იმპერიალიზმს განადიდებს“.
გთავაზობთ პუბლიკაციის შინაარსს:
პარასკევს განოხრიელებული ტელეხიდის დროს რომის პაპმა ფრანცისკემ სანკტ-პეტერბურგში შეკრებილ რუს კათოლიკურ ახალგაზრდებს მოუწოდა, რომ პეტრე დიდისა და ეკატერინე მეორის კვალს გაჰყვნენ, რომლებიც, პაპის აზრით, დიდი კულტურისა და ადამიანურობის მქონე განათლებული ქვეყნის მმართველები იყვნენ.
ვატიკანს პაპის ნათქვამი პეტრე პირველსა და ეკატერინე მეორეზე არ გამოუქვეყნებია, მაგრამ გამოაქვეყნა ჯერ მოსკოვში არსებულმა რომაულ-კათოლიკურმა არქიეპარქიამ, შემდეგ კი ციმბირის კათოლიკურმა ტელევიზიამ, ბოლოს კი რუსულმა მასმედიამაც.
ვლადიმერ პუტინი, რომელიც დღევანდელი ომის გამართლებას ცდილობს, ყოველთვის მიუთითებს ხოლმე პეტრე I-ის მაგალითზე, რომელმაც რუსეთის ტერიტორია გააფართოვა და პირიქით, უკრაინის ავტონომია შეამცირა. რუსეთის არმიის მიერ დაკავებულ ტერიტორიას პუტინი „ნოვოროსიას“ უწოდებს - ამ ტერმინის ისტორია სწორედ მე-18 საუკუნის 60-იანი წლებიდან იწყება, როცა ეკატერინე მეორემ 1764 წელს თურქები დაამარცხა, დღევანდელი უკრაინის სამხრეთი ნაწილი დაიპყრო და რუსეთს მიუერთა.
სხვათა შორის, რომის კათოლიკური ეკლესიისაგან დევნის პერიოდში, XVIII საუკუნის დასასრულს და XIX საუკუნის დასაწყისში, რუსეთის იმპერატორები იეზუიტთა ორდენს იცავდნენ და იფარავდნენ, რომლის წევრსაც თვითონ პაპი ფრანცისკე წარმოადგენს.
რომის პაპის გამონათქვამი კიევმა აშკარად პრორუსულად ჩათვალა: ფრანცისკეს მიერ რუსეთის იმპერატორთა საქმეების განდიდება დაგმო ერთი მხრივ, უკრაინის საგარეო საქმეთა სამინისტრომ („საწყენია, რომ პაპი, ნებით თუ უნებლიედ, რუსულ იმპერიალიზმს, მოსკოვის აგრესიის მთავარ მიზეზს განადიდებს. პაპმა, პირიქით, ახალგაზრდებს თვალი უნდა აუხილოს რუსეთის ხელმძღვანელების აგრესიულ პოლიტიკაზე“), ასევე უკრაინის ბერძნულ-კათოლიკურმა ეკლესიამაც („უკრაინელ კათოლიკეებს პაპის სიტყვებმა ძლიერი სულიერი ტკივილი მიაყენა“).
პაპის გამოთქვამებმა მრისხანების ტალღა გამოიწვია სოციალურ ქსელებშიც, განსაკუთრებით რუსეთის მეზობელ ქვეყნებში. ფრანცისკეს ნათქვამი არ მოეწონა ესტონეთის ექს-პრეზიდენტს თომას ჰენდრიკ ილვესს, რომელმაც „ჭეშმარიტად შემაძრწუნებელი“ უწოდა.
რასაკვირველია, ვატიკანმა უარყო მტკიცება, რომ პაპი რუს იმპერატორების მოქმედებას იწონებს: „პაპი არასოდეს მხარს არ უჭერდა იმპერიალისტურ იდეებს. პირიქით, იგი იმპერიალიზმისა და კოლონიალიზმის მტკიცე მოწინააღმდეგეა ყველა დროში და ყველა ეპოქაში“, - ნათქვამია ვატიკანის განზცხადებაში
ობიექტურად თუ ვიტყვით, რომის პაპი მართლაც დარდობს უკრაინელთა ტანჯვაზე, მაგრამ ხშირად თავს იკავებს მოსკოვის აგრესიული პოლიტიკის მტკიცე დაგმობისაგან და მიანიშნებს, რომ თავს არიდებს ომის გამწვავებას და მასში ნატოს ქვეყნების ჩაბმის პროვოცირებას.. ასეთი პოზიცია, ბუნებრივია, არც უკრაინას არ მოსწონს და არც დასავლელე მოკავშირეებს.
სხვათა შორის, პაპის პოზიციით, რუსეთ-უკრაინის ომი აშშ-სა და რუსეთის დაპირისპირების შედეგია, რომელსაც უკრაინა მსხვერპლად ეწირება. „სასწორზე დევს იმპერიული ინტერესები - არამარტო რუსეთის, არამედ სხვებისაც. დღეს ასეთი იმპერიები ნამდვილად არის. მათთვის კონკრეტული ხალხების ბედი მეორეხარისხოვანია“, - ამბობდა პაპი შვეიცარიის ტელევიზიისადმი მიცემულ ინტერვიუში.
ვატიკანმა შუამავლის როლის შესრულებაც სცადა სამშვიდობო მოლაპარაკების დაწყების მიზნით (მისი წარმომადგენელი მატეო ძუპი იყო კიევშიც და მოსკოვშიც), მაგრამ არც უკრაინას და არც რუსეთს რაიმე ინტერესი არ გამოუვლენია.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
