,
ისრაელში საქართველოს ყოფილი ელჩი ლაშა ჟვანია სოციალურ ქსელში ჯვრის მონასტიდან ქართული ხატების გატანის შესახებ ინფორმაციას ავრცელებს: "ალბათ ათასწლეულში ერთხელ თუ დაემთხვევა ჯვარის ქართველთა მონასტრის ორი დღესასწაული - ჯვართაყვანისცემა (მონასტრის) და ხარება (მონასტრის ძირითადი ტაძრის).
ჯვართაყვანისცემისა და ხარების ეს უნიკალური ქართული ნაქარგობები, ერთ დროს, ჯვარის მონასტერს ამშვენებდნენ და უპატრონობის გამო, ახლა მუზეუმის ბნელ საცავებშია მიმალული. შემატყობინეს, რომ გუშინ, ყველა ქართული ხატი გაუტანიათ ჯვარის მონასტრის ტაძრიდან.
დილიდან ისეთი განცდა მაქვს - თითქოს წუხელ წერდა დიდი ილია: “სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ, რა კაცები ვიქნებით, რა პასუხს გავსვემთ შთამომავლობას?” .
ჯვართაყვანისცემის სწორ მომდევნო კვირას დღესასწაული ქართველთა ჯვარის მონასტერში აღინიშნება და წელს, 14 აპრილს, მას ქართული ენის დღეც ემთხვევა… იქნებ ეს დღეც არ იქცეოდეს შემთხვევითობად!.."
იერუსალიმის ქართველთა ჯვრის მონასტერი ამჟამად ბერძნული საპატრიარქოს შემადგენლობაშია.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
