USD 3.1210
EUR 3.5302
RUB 4.2381
თბილისი
გურიაში სასულიერო პირებს პოლიციელებმა სასაფლაოების კურთხევა შეაწყვეტინეს და ტერიტორია დაატოვებინეს
თარიღი : 05.04.2021 13:55  240

საპატრიარქო ნებას აძლევს, პოლიციის უფროსი უკრძალავს - საფლავიდან გამოგდებული მღვდლები გაუგებრობაში არიან

გურიაში, მოიდანახეს სასაფლაოზე მისულ მამა ერმალაოსსა და მამა ლონგინოზს პოლიციელებმა ლოცვა შეაწყვეტინეს და ტერიტორია დაატოვებინეს.

"ტვ პირველის" კორესპონდენტის ცნობით, ადგილზე 30-მდე პოლიციელთან ერთად ოზურგეთის პოლიციის სამმართველოს დეტექტივების განყოფილების უფროსი გიორგი შარაშენიძეც იმყოფებოდა.

პოლიციის მაღალჩინოსანმა საპატრიარქოს მოწოდება არ გაითვალისწინა და მღვდლებს უთხრა რომ "შეზღუდვა ყველას ეხებოდა". არადა საპატრიარქო ხალხს მოუწოდებდა აღდგომის დღესასწაულზე სახლში დარჩენილიყვნენ, საფლავების კურთხევას კი საკუთარ თავზე სასულიერო პირები აიღებდნენ.

არამგონია, სასაფლაოზე ერთი სასულიერო პირის შესვლის შემთხევაში რამე მომხდარიყო... ვიცოდი, რომ ჩვენ საფლავების კურთხევის უფლება გვქონდა. უნდა გვეკურთხებინა იმ ადამიანების საფლავები, რომლებიც მართლმადიდებლურად აღესრულენ. შარშანაც იყო რეგულაციები, მაშინაც იყვნენ პოლიციის ეკიპაჟები მობილიზებულები, მაგრამ შევდიოდი"- უთხრა "ტვ პირველს" მამა ერმალაოსმა.

მამა ლონგინოზის თქმით, საფლავების კურთხევა მრევლის გარეშე ხდებოდა.

გასაკვირია, რატომ ჩათვალეს, რომ არ უნდა შევსულიყავით სასაფლაოზე და შეგვაჩერებინეს საფლავების კურთხევა"- ამბობს სასულიერო პირი.

რაც შეეხება პოლიციის უფროსს, გიორგი შარაშენიძემ "პირველების" კორესპოდენტს უთხრა, რომ "აკრძალვა ეხება ყველას".

"რეგულაციები მიმდინარეობს, რომ მორჩება აკურთხონ მერე"- თქვა პოლიციის მაღალჩინოსანმა.

შეგახსენებთ, საკოორდინაციო საბჭოს გადაწყვეტილებით სასაფლაოები დაიკეტა. ადგილზე კი პოლიციის წარმომადგენლები პატრულირებენ.

ამასთან, საპატრიარქოს პრესსამსახურის ხელმძღვანელმა ანდრია ჯაღმაიძემ წინა კვირას თქვა, რომ აღდგომის დღესასწაულის დღეებში მღვდელმსახურები საფლავებზე მივიდოდნენ, აკურთხებენ და მოქალაქეების მისვლა საჭირო აღარ იქნებოდა.

ბიზნესი
“გრატოს სათბურებმა” თბილისში პირველი მაღაზია გახსნა

"გრატოს სათბურებმა" თბილისში, კოსტავას #37-ში,  “გრატო პასაჟში” გაყიდვების პუნქტი გახსნა, სადაც მომხმარებელი კომპანიის სათბურებში მოყვანილი სხვადასხვა მცენარის, მათ შორის შობის ვარსკვლავისა და შიდა ინტერიერის ყვავილების შეძენას შეძლებს. 

როგორც კომპანიის გენერალური მენეჯერი სოფო ჯორბანიძე bm.ge-სთან აცხადებს, ეს “გრატოს სათბურების” პირველი მაღაზიაა. 

“ეს ჩვენი გაყიდვების პირველი ობიექტია, სადაც ჩვენ სათბურებში მოყვანილი მცენარეებია წარმოდგენილი, მათ შორის შობის ვარსკვლავი, რომელსაც საქართველოში მხოლოდ “გრატოს სათბურები” აწარმოებს; რაც შეეხება მაღაზიაში წარმოდგენილი მცენარეების ფასებს, ის 10 ლარიდან იწყება”, - აღნიშნავს სოფო ჯორბანიძე. 

 “გრატოს სათბურები”, რომელიც 15 ადამიანს ასაქმებს, 60-ზე მეტი სახეობის მცენარის მოყვანით არის დაკავებული. გარდა სათბურისა, კომპანიამ, დაახლოებით, 1 წელია, რაც სანერგე მეურნეობაც გააშენა. 

 

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.