გორში შადრევნების რეაბილიტაცია მიმდინარეობს. ამ ეტაპზე აღდგენითი სამუშაოები სტალინის სახლ-მუზეუმის სკვერის მთავარ და კასკადურ შადრევნებს უტარდება.
ირეცხება შადრევნის აუზი, გამოიცვლება და დამონტაჟდება ახალი ნათურები, სკვერის ცენტრალურ ნაწილში არსებული შადრევნების კასკადზე გაირეცხება მილები, რის შემდეგაც შესრულდება სამღებრო სამუშაოები.
სეზონური სამუშაოების ფარგლებში კეთილმოწყობის სააგენტო ქალაქში სკვერებისა და გამწვანებული სივრცეების მოსაწესრიგებლად, სხვადასხვა სახის სამუშაოებს ახორციელებს. ყოველდღიურ რეჟიმში მიმდინარეობს ბალახის თიბვა, ხე-მცენარეების სხვლა-ფორმირება, მორწყვა, შეწამვლა და სხვა.
