USD 2.7084
EUR 2.9337
RUB 2.9233
თბილისი
გოგი ლორთქიფანიძე - ურბანული "კოშმარი" რომელიც თბილისს ემუქრება
თარიღი:  1538

ყველას კარგად გვახსოვს, დედაქალაქის დღევანდელი და მისი წინამორბედი მერის ხმამაღალი განცხადებები, რომ დამტკიცდებოდა თბილისის გენგეგმა და ბოლო მოეღებოდა ქალაქში უადგილო და უსახური ნაგებობების მშენებლობას.

თუმცა ეს დაპირება, თბილისის გენგეგმასთან ერთად, მხოლოდ  წინასაარჩევნო, პოპულისტური, დაპირება აღმოჩნდა და თბილისში ისევ გრძელდება მშენებლობები, რომლებიც ვერანაირ კრიტიკას ვერ უძლებენ ვერც ესთეტიკური, ვერც არქიტექტორული და ვერც ურბანული თვალსაზრისით.

დედაქალაქის ცენტრალური უბნები გაუვალ ბეტონის ჯუნგლებს დაემსგავსა და თუ ადრე ქალაქის დამახინჯების სინონიმად, მხოლოდ სპორტის სასახლის მიმდებარე ტერიტორია ითვლებოდა, დღეს ეს შედარება თბილისის თითქმის ყველა ცენტრალურ უბანზე შეიძლება გავავრცელოთ.

სამწუხაროდ დღევანდელი თბილისის არქიტექტურულ-ურბანული იერსახის დახასიათებისას ხშირად გვესმის შეფასებები: “უსახური შენობები” ,  “ბეტონის ქალაქი”, “ერთმანეთან შეუსაბამო შენობები”, “არქიტექტურული მემკვიდრეობის გაქრობა”, “ქაოტური მშენებლობები” და ა.შ. და ამის საწინააღმდეგოდ ვერაფერს ახერხებს „ყბადაღებული“ გენგემის ფუნქციური შეზღუდვები, რომელსაც ვითომ უნდა დაეცვა ქალაქი უადგილო მშენებლობებისაგენ.

დღიდან გენგეგმის დამტკიცებისა, 2019 წლის 20 მარტი, მასში რამოდენიმე ასეული ცვლილება შევიდა, რომელთა მიხედვითაც კონკრეტულ ადგილებს შეეცვალათ ზონალური სტატუსები და  შესაძლებელი გახდა შეზღუდვის არეებში მშენებლობის წარმოება.

გარდა ამისა თბილისის მთავრობის გადაწყვეტილებით, „დედაქალაქის მიწათსარგებლობის გენერალური გეგმის“ მიხედვით, არსებული შეზღუდვის არეალები დაკორექტირდა, რის საფუძველზეც შეზღუდულ არეალებში ძველი გენერალური გეგმით არსებული ფუნქციური ზონირება დაბრუნდება.

დადგენილი შეზღუდვები მოიხსნა შემდეგ ტერიტორიებზე: დიდი დიღმის III-IV მ/რ-ის სამხრეთი ტერიტორია, თბილისის ზღვისა და გლდანის ტბის მიმდებარე ტერიტორიები, ასევე ლისის ტბის, ორთაჭალის ბაღების, აკადემქალაქის, კოჯორი-შინდისისა და ხილიანი-დოლიძის მიმდებარე ტერიტორიები.

ერთადერთი შეზღუდვა რომელიც დარჩა თბილისში ეხება ე.წ. ელიავას ბაზრობის ტერიტორიას, რომლის განვითარებისთვის მწვანე შუქის ანთებას არა და არ დაადგა საშველი. აქ სიტუაციაა პატურია, თბილისის მერია არც ბაზრობის მესვეურებს აძლევს განვითარების საშუალებას (მიუხედავად უკვე დამტკიცებული გრგ-ისა) და ვერც თვითონ ახერხებს რაიმე ნორმალური (დროში და სივრცეში) გადაწყვეტილების მიღებას.

შარშან თბილისის მერმა, კახი კალაძემ გადაწყვიტა, რომ ქვეყანაში შექმნილი კრიზისის მოშველიებით, დეველოპელურ სექტორისთვის ე.წ. ბიუროკრატიული პროცედურები გაემარტივებინა და სამშენებლო ნებართვების გაცემის დროს ამოღებულ იქნა ვითომ უმნიშვნელო მოთხოვნები. ეს უმნიშვნელო მოთხოვნა კი იყო მშენებლობის დაწყების დროს სავალდებულო სატრანსპორტო გავლენის შეფასება.

ანუ დღეს სამშენებლო კომპანიებს აღარ უწევთ ზრუნვა ტრანსპორტის გავლენის შეფასებაზე, ეს არის კვლევა რომელიც ადგენს სატრანსპორტო საშუალებების გამტარუნარიანობის გათვალისწინებით რა მოცულობის მშენებლობა შეიძლება განხორციელდეს ამა თუ იმ ტერიტორიაზე.

აღნიშნული ვალდებულება სამშენებლო და დეველოპელურ კომპანიებს 2018 წელს დაეკისრა, რაც ცალსახად იყო თბილისის სწორი ურბანული განვითარებისთვის ერთ-ერთი მნიშვნელოვანი წინგადადგმული ნაბიჯი. აღნიშნულმა რეგულაციამ 2018 წლიდან დღემდე მნიშვნელოვნად შეაფერხა ქალაქის ქაოტური განაშენიანება და არაერთი უბანი იხსნა მოსალოდნელი სატრანსპორტო კოლაფსისაგან.

თუმცა დღეს ეს რეგულაცია მოხსნილია და ამ დერეგულაციის შედეგებს, სულ მალე იგრძნობენ საკუთარ თავზე ჩვენი მოქლაქეები, რომელთათვისაც თბილისი საცობები ისედაც ყოველდღიური „ურბანული კოშმარის“ შემადგენელი ნაწილია.

სამშენებლო ნებართვების გაცემის დროს სატრანსპორტო კომპონენტის უგულებელყოფა განაჩენია თბილისისთვის, რაც მომავალში ქალაქის სატრანსპორტო სისტემის პარალიზებას გამოიწვევს.

თბილისის მასშტაბით მივიღებთ სპორტის სასახლის მიმდებარე ტერიტორიის ანალოგიურ მდგომარეობას, რაც ყველა სხვა „სიკეთესთან“ ერთად დედაქალაქს დაპირებული „სიცოცხლით სავსე ქალაქიდან“ „საცობებით სავსე ქალაქად“ გადააქცევს.

ყოველივე ზემოთ თქმულს ემატება მშენებლობის ნებართვის გაცემის ყოვლად არქაული და თავის თავში კორუფციის მომცველი სისტემა და თბილისის ბეტონის ჯუნგლებად საბოლოოდ გადაქცევის პერსპექტივა, სულ უფრო და უფრო რეალური ხდება.

თბილისი კი მაინც „შენდება“.

აშენებს ყველა ვისაც არ ეზარება, ხოლო იქ სადაც მხოლოდ ნეპოტიზმის, საეჭვო ეკონომიკური ან სხვა  გარიგებების საშუალებით არის შესაძლებელი მშენებლობის ნებართვის მოპოვება, აშენებენენ მხოლოდ ერთეულები, თუმცა ამ ერთეულების ხელშია დღეს ქალაქის მიმდინარე მშენებლობების 90%-ზე მეტი.

პრობლემების კონსტატაცია ერთია, ხოლო მათი გადაწყვეტა და გონივრული დარეგულირება კი მეორე. ფაქტია, რომ დღეს დედაქალაქის მმართველობა და თვითმმართველობა ვერ ართმევს თავს ამ პრობლემებს და ჩვენი, თბილისის მოქალაქეების ურბანული ყოფაც დღითიდღე მძიმდება.

გამოსავალი ერთია, საზოგადოებრივი აქტიობა და მომავალი თვითმმართველობის არჩევნებზე სწორი სამოქალაქო პოზიციის დემონსტრაცია, ჩვენი ქალაქისათვის ღირსეული და გონიერი მმართველობის მოსაპოვებლად, რომელიც შემდეგი 4 წელი, მუდმივი სამოქალაქო კონტროლის ქვეშ გვეყოლება, ისევ ჩვენ, ქალაქ თბილისის მაცხოვრებლებს.

გოგი ლორთქიფანიძე

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.