USD 2.6978
EUR 2.9112
RUB 2.9177
Tbilisi
გოგი ლორფთქიფანიძე - ვკითხოთ თუ არა თბილისელებს რა და რატომ ხდება მათ ქალაქში?
Date:  853
ბევრჯერ მითქვამს და კიდევ ერთხელ გავმეორდები.
 
ძალიან მაგარი პროექტი აქვს ქ. მოსკოვის მთავრობას, რომელიც უზრუნველყოფს უკუკავშირს მოსკოვის მთავრობას, მოსკოვის დუმას და მოსკოვის მოქალაქებს შორის.
 
ეს უკუკავშირი, თავის მხრივ უზრუნველყოფს, მოქალაქების ყოველდღიურ ჩართულობას საქალაქო მმართველობასა და თვითმმართველობაში.
პროექტს ქვია - "აქტიური მოქალაქე" და მასში ჩართულია 5 მილიონი მოსკოველი მოქალაქე... 5 მილიონი !!!
 
ეს არის მობილურის აპლიკაცია, რომლის მეშვეობითაც მოქალაქეები ხმას აძლევენ ამა თუ იმ საქალაქო პროექტის განხორციელება არ განხორციელებას, ამა თუ იმ ობიექტისთვის სახელის შეცვლას, ვისი ძეგლი დაიდგას და ვისი არა მოსკოვში და ა.შ.
 
პროექტი 6 წლისაა და მის ფარგლებში 4 897 გამოკითხვა ჩატარდა, რომელთა შედეგების მიხედვით 3 400 გადაწყვეტილება იქნა მიღებული.
6 წლის განმავლობაში პროექტმა მიიღო და გაანალიზა მოქალაქეთა მიერ გამოთქმული156 218 267 პოზიცია.
 
ამ პროექტში ჩართული ყველაზე აქტიურ მოქალაქეები, მათ მიერ დაგროვილი ქულების მიხედვით ღებულობენ, მთელ რიგ ბონუსებს და საჩუქრებს - ტრანსპორტში უფასო მგზვრობა, კომუნალურ გადასახადზე შეღავათი, ყოველკვირეული საჩუქრების გათამაშება და ა.შ.
ეს ხდება არადემოკრატიული რუსეთის არადემოკრატიულ დედაქალაქში.
 
ჩვენთან რა ხდება, ამაზე ლაპარაკიც კი არ მინდა...
 
წელს ოქტომბერში თვითმმართველობის არჩევნებია და ერთ-ერთ მნიშვნელოვან საკითხად, სწორედ მსგავსი პროექტის თბილისში დანერგვა, იქნება ჩემი წინადადება და შეთავაზება თბილისის მოქალაქეებისადმი.
 
მაინტერესებს დაუჭერენ თუ არა ასეთი პროექტის განხორციელებას მხარს თბილისის მოქალაქეები?
 
sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way