გოგა ჩანადირი - 1929 წელს ქართულმა ეკლესიამ შობის დღესასწაული იულიუსის კალენდრით 7 იანვარს აღნიშნა

თარიღი: 348

1929 წელს ქართულმა ეკლესიამ შობის დღესასწაული იულიუსის კალენდრით 7 იანვარს აღნიშნა.

მას შემდეგ, ანუ 95-ე წელია, ასეა.

რამდენიმე თვით ადრე, 1928 წლის 28 სექტემბერს საქართველოს ეკლესიის წმინდა სინოდმა განჩინებით ამცნო მრევლს, რომ დროებით შეაჩერა ახალი სტილის, ანუ გრიგორიანული კალენდრის გამოყენება საზოგადოების ინფორმირებულობდე და კვლავ ძველ სტილზე გადავიდოდა.

ქართული ეკლესია იულიუსის კალენდარს 1928 წლის პირველ ოქტომბერს დაუბრუნდა და მაგალითად, იმავე წელს გიორგობა 23 ნოემბერს აღნიშნა, შემდეგ კი შობის მარხვა დაიწყო.

�წმინდა სინოდის განჩინებით ახალი სტილის კალენდრის არსზე მრევლის ინფორმირებულობა მღვდელმთავრებს დაევალათ.

ეს საქმე შორს არ წასულა, რადგან საქმეში ჩახედულთა გადმოცემით, პროცესი სტალინმა შეაჩერა, რათა ეკლესია სახელმწიფოს ერთ-ერთ პოლიტიკურ იარაღად ექცია და მრევლი კიდევ უფრო დაშორებულიყო დასავლეთის წიაღს.

საქართველო გრიგორიანულ კალენდარზე, 1918 წელს გადავიდა. 18 აპრილი 1-ლი მაისი გახდა.

თავად გრიგორიანული კალენდარი კი რომის პაპ გრიგორი მე-13-ის რეფორმის შედეგად 1582 წელს დამკვიდრდა.

საქართველოს ეკლესიამ ახალი სტილი მაშინვე არ მიიღო და იულიუსის კალენდარზე დარჩა. მას შემდეგ, რაც კონსტანტინოპოლის მსოფლიო საპატრიარქო 1923-24 წლებში ახალ სტილზე გადავიდა, სრულიად საქართველოს კათოლიკოს-პატრიარქის წმინდა ამბროსი ხელაიას თაოსნობით ქართულმა ეკლესიამაც ახალი კალენდარი შემოიღო, რომელიც 1923-25 წლებში მოქმედებდა.

1926 წელს ეკლესია ისევ ძველ კალენდარს დაუბრუნდა. მომდევნო პატრიარქის ქრისტეფორე მესამის თაოსნობითა და მეოთხე საეკლესიო კრების გადაწყვეტილებით, 1927 წლის ნოემბრიდან კვლავ გროგორიანული კალენდარი შემოვიდა. თუმცა, ამან მრევლი არია, დააბნია, უკმაყოფილებაც წარმოშვა და 1928 წელს დროებით ამოქმედდა იულიუსის კალენდარი.

სწორედ ამიტომ აღინიშნა 1929 წელს შობა 7 იანვარს.

საინტერესოა, რომ 76 წელში, 2100 წლის პირველ მარტს კალენდარს ერთი დღე ემატება, რაც იმას ნიშნავს, რომ ქართული ეკლესია თუ იულიუსის კალენდრით იხელმძღვანელებს, შობას უკვე 2101 წლის 8 იანვარს აღნიშნავს.

იულიუსის კალენდარი ძველი წელთაღრიცხვის 45 წლის პირველი იანვარიდან მოქმედებს. ის რომის იმპერატორმა იულიუს კეისარმა ალექსანდრიელი ასტრონომის სოზიგენეს მეცნიერული დასაბუთების შემდეგ შემოიღო. ამ კალენდრით გაჩნდა ნაკიანი წელი, ანუ 29 თებერვალი ყოველ 4 წელიწადში. ყოველ 128 წელიწადში კი დროის ნაშთით კალენდარს 1 დღე ემატებოდა, რამაც განაპირობა კალენდრის რეფორმა მე-16 საუკუნეში.

25 დეკემბერი არ არის მხოლოდ კათოლიკური შობა. ამ დღეს აღნიშნავს 11 მართლმადიდებლური ეკლესია. 7 იანვარს კი საქართველოს გარდა, შობას რუსეთის, სერბეთისა და იერუსალემის ეკლესიები და ათონის მთა ზეიმობენ.

რაც დრო გადის, საქართველოში სულ უფრო ხშირად ისმის შობა 25 დეკემბერს აღინიშნოს.

ვფიქრობ, ამ საკითხზე საქართველოს ეკლესიის წმინდა სინოდმა აუცილებლოდ უნდა იმსჯელოს, მრევლის აზრი და ინფორმირებულობის საკითხი შეისწავლოს და საზოგადოებას საბოლოო პასუხი ამცნოს. მით უფრო, რომ თითქმის ასი წლისწინანდელი განჩინება გაუქმებული არ არის. ამით ეკლესია მორწმუნეთა დაყოფას, გაორებასა და შიგნით ბზარების გაჩენას აირიდებს. სულ უფრო მეტი ადამიანი ემხრობა შობის 25 დეკემბერს აღნიშვნას.

ერთიცაა, რომ იულიუსის კალენდარი მხოლოდ საეკლესიო საკითხი არ არის. მას პოლიტიკური საფუძველიც აქვს, რომელსაც საბჭოთა კავშირთან და რუსეთის ეკლესიასთან მივყავართ, იმ ეკლესიასთან, რომელმაც 1812 წელს საქართველოს ეკლესიის დამოუკიდებლობა გააუქმა, ქვეყნიდან საეკლესიო საგანძური გაიტანა, ფრესკები გადაათეთრა, ქართული კანკელები რუსულით შეცვალა და სულ ბოლოს, ამ წლებში ოფიციალურად არც კი აღიარა ქართული ეკლესიის უფლება რუსეთის მიერ წართმეულ ტერიტორიებზე.

ამასთანავე, საერთო თარიღი ხელს უწყობს რუსეთთან მიჯაჭვასა და მისი გავლენის შენარჩუნებას, მის საეკლესიო წიაღთან ყოფნას, რომელიც იმ პოლიტიკასთან შეუსაბამოა, რაც რუსეთს ჩვენთან აკავშირებს.

მიყევით ბმულს - გოგა ჩანადირი

ბიზნესი

რას წარმოადგენს ამერიკული BlackRock-ი, რომელიც $10.5 ტრილიონის აქტივებს მართავს?

გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.

ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.

რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?

2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.

აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:

#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)

#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)

#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)

#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)

#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)

#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)

#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)

#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)

#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)

#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)

წყარო:https://bm.ge/

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

კულტურა

თურქმენეთის დედაქალაქ აშხაბადში შოთა რუსთაველის მემორიალი გაიხსნა

სრულად

ვანი ეტრუსკული ცივილიზაციისადმი მიძღვნილ გამოფენას მასპინძლობს

სრულად

გენიალური ქართველი კინომსახიობის, დოდო აბაშიძის, დაბადებიდან 100 წელი გავიდა

სრულად