,
თბილისის მერიის გარემოს დაცვის საქალაქო სამსახური გლდანის პატარა ტბის გარშემო რეკრეაციულ ზონას აწყობს.
აღნიშნული ტერიტორია, დაახლოებით, შვიდი ჰექტარია, პარკის მოწყობის სამუშაოები კი 37 000 კვ.მ ფართობზე მიმდინარეობს. დანარჩენ ფართობს იკავებს წყლის ზედაპირი.
მიმდინარე სამუშაოები თბილისის მერის მოადგილე ანდრია ბასილაიამ და გარემოს დაცვის საქალაქო სამსახურის უფროსმა პაატა ტოგონიძემ დაათვალიერეს.
ამ ეტაპზე ეწყობა ბეტონის ბილიკები, მოედნები და განათების სისტემა. ტერიტორიაზე შეაქვთ ნოყიერი მიწის ნაზავი. უახლოეს პერიოდში დაიწყება ტბაზე პირსის მოწყობა, გაკეთდება სპორტული მოედნები და სარწყავი სისტემებიც.
სამუშაოების ფარგლებში, დაგეგმილია საჩრდილობლების, ვიდეომეთვალყურეობისა და განათების სისტემების, საბავშვო მოედნის, ცხოველების სასეირნო ზონის, ფეხბურთისა და კალათბურთის მოედნების მოწყობა. ასევე, გაკეთდება ველო და საფეხმავლო ბილიკები, რომელიც შემოუვლის გზისპირა გამწვანების ზოლს და მას ერთგვარ კუნძულის ფორმას მისცემს. ტერიტორიაზე განთავსდება სკამები და ურნები.
ტბა გაიწმინდება ლეშქაშისგან და მასზე გაივლის საინტერესო დიზაინის პირსი, საიდანაც შესაძლებელი იქნება ფრინველებსა და გარემოზე დაკვირვება. ტერიტორიაზე დაირგვება სხვადასხვა სახეობის ნერგი, დაითესება ბალახი. ასევე, მოეწყობა ტერასული გამწვანება, რომელიც ბუნებრივად ერწყმის არსებულ ლანდშაფტს (ფერდობს). პარკი ადაპტირდება შეზღუდული შესაძლებლობის მქონე პირთათვის.
მერის მოადგილესთან ერთად, ადგილზე იმყოფებოდნენ გლდანის რაიონის გამგებელი ბესიკ კალაძე და საქართველოს პარლამენტის წევრი ვლადიმერ ბოჟაძე.
რეკრეაციული სივრცის მოწყობის სამუშაოები მიმდინარე წლის ზაფხულში დასრულდება.
ინფორმაციას თბილისის მერიის პრესსამსახური ავრცელებს.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
