15 ივნისის დღის განმავლობაში ისრაელმა დაბომბა:
- ირანის სამხედრო დაზვერვის ცენტრალური შტაბი;
- ირანის იუსტიციის სამინისტრო;
- ირანის საზღვაო ძალების ცენტრალური შტაბი;
- ირანის გაზის საბადოები სამხრეთში;
- ირანული პორტები სპარსეთის ყურეში რომელიც ირანის ეკონომიკის მთავარი არტერიაა;
- მეშჰედის საერთაშრისო აეროპორტი;
- განმეორებით დაიბომბა ქერმანშაჰში ბალისტიკური რაკეტების გამშვები საცეცხლე პოზიციებიც;
- ირანის ისლამური რევოლუციის მცველთა კორპუსის შტაბებზე მიმდინარეობს მასირებული იერიშები - ცენტრალური შტაბი გუშინ დაბომბეს და დღეს გაამეორეს დარტყმა.
- ხალხი გარბის თეირანიდან. 60 კილომეტრიანი საცობია თეირანის გასასვლელში. თურქეთის სასაზღვრო პუნქტებზე ცოცხალი რიგებია. ამასთან, თეირანში საკვებზე მცირე დეფიციტი გაჩნდა - ხალხი მაღაზიებს მიაწყდა პროდუქციის საყიდლად.
- თეირანის შემოგარენში დივერსანტებმა სტრატეგიული ობიექტების აფეთქება დაიწყო;
ამ ქაოსის ფონზე, თეირანში რეჟიმმა ისლამური რევოლუციის მცველთა კორპუსის ცოცხალი ძალა გაიყვანა. მათი მიზანი არამხოლოდ დივერსანტების დევნა არამედ პოტენციური აჯანყების არდაშვებაა. სიტუაცია საკმაოდ მძიმეა რეჟიმისათვის და ის ყველაფერზე წავა საკუთარი თავის გადასარჩენად. ისე არაფერი ურტყამს ავტოკრატიულ, თეოკრატიულ თუ ტოტალიტარულ რეჟიმს, როგორც პოტენციური მარცხიც მოლოდინი.
კარგად მახსოვს, როდესაც რუსეთმა უკრაინას 2022 წელს შეუტია და დივერსანტები შეუსია რა მძიმე მოლოდინები არსებობდა ამასთან დაკავშირებით და საკმაოდ ლოგიკურადაც - ერთია პირდაპირი ომი, მაგრამ მეორეა ზურგში დივერსანტების არსებობა. ისე იყო გააზრებული თითქოს დივერსია რუსეთისა და პრო-რუსული ღერძის ერთ-ერთი მთავარი ნიშა და ღერძი ხდებოდა არამხოლოდ უკრაინაში, არამედ შემდგომი ომებისათვის. დღეს კი ეს რეალობა იცვლება მაშინ, როდესაც ებრაული დივერსიული ქსელი მოქმედებს ირანში, არამედ სხვა სახელმწიფოებმაც აითვისეს ეს ტაქტიკა: უკრაინელები რუსეთის ტერიტორიაზე, იმავე კალინინგრადის ოლქში დივერსიულ თავდასხმებს ახორციელებენ რუსული პოზიციების წინააღმდეგ ენერგეტიკულ და სამხედრო ინფრასტრუქტურაზე - სწორედ დღეს განხორციელდა მსგავსი უკრაინული დივერსია ერთ-ერთ ყველაზე მნიშვნელოვან რუსულ ანკლავში ევროპის კონტინენტზე.
