USD 2.7576
EUR 3.0438
RUB 3.2697
თბილისი
გიორგი კობერიძე- 2023 წლის 10 მნიშვნელოვანი საერთაშორისო პოლიტიკური მოვლენა
თარიღი:  412

1. ნატო გაფართოვდა - 2023 წლის აპრილში ნატოს ახალი წევრი, ფინეთი შეემატა. კრემლი ნატოს გაფართოების წინააღმდეგ მუქარითა და წითელი ხაზებით გამოდიოდა, მაგრამ ყველა ეს მუქარა და წითელი ხაზი უბრალოდ ფუჭი გამოდგა: ნატო-რუსეთის საზღვარი 1300 კილომეტრით გაიზარდა. ნეიტრალურ სახელმწიფოსაც კი რომ აიძულებ სამხედრო ალიანსში გაწევრიანებას ესე იგი სრულიად უგუნურ პოლიტიკას აწარმოებ.

2. პრიგოჟინის ამბოხი - რუსეთი კლანებით იმართება. კლანებს შორის ბრძოლის სხვადასხვა მეთოდი არსებობს, მაგრამ შეიარაღებული კრიმინალი ბანდების მხრიდან დედაქალაქზე წასვლამ რუსეთის შიდა პოლიტიკური სიმყიფე კიდევ უფრო ნათლად წარმოაჩინა.
3. ყარაბაღის სამხედრო კრიზისის დასასრული - პოსტ-საბჭოთა სივრცეში პირველი სამხედრო კონფლიქტია, რომელიც საბოლოოდ სამხედრო გზითვე მოგვარდა. იმ ფონზე, რომ სომხეთი და აზერბაიჯანი ფინალურ სამშვიდობო შეთანხმების დადებას აპირებენ ეს ნიშნავს, რომ ყარაბაღთან დაკავშირებით სამხედრო მოქმედებები დასრულდა. თუმცა გადაუჭრელია სომხეთ-აზერბაიჯანის საზღვრის ტერიტორიის საკითხი. აზერბაიჯანულ ნაწილებს სომხეთის ტერიტორიის მთიან მასივებში პოზიციები აქვთ დაკავებული. ასევე უცნობია გაიხსნება თუ არა აზერბაიჯანსა და მის ექსკლავს, ნახიჩევანს შორის დამაკავშირებელი სომხეთზე გამავალი გზა. დაბოლოს, ჯერ კიდევ არ არის განსაზღვრული თუ რა ბედი ეწევა ყარაბაღიდან წამოსულ სომხურ მოსახლეობას.
ზოგადი ინფორმაცია ყარაბაღზე: https://www.facebook.com/giorgi.kob/posts/pfbid0PzJ59XFQT5juGKCdEpRtkfWUgFEPZGs7igW8ba8xrGmA7ze7gNLQNJLojpuacAcPl
4. სომხეთის პოლიტიკური ორიენტაციის ცვლილება - სომხეთს ცალსახად პრო-რუსული კურსი აღარ აქვს. ერევანში აქტიურად ალაპარაკდნენ საქართველოზე, როგორც ხიდზე ევროპისაკენ მიმავალ გზაზე. ასევე თურქეთთან ურთიერთობების დალაგება მათთვის ახალი შანსების გაჩენის საშუალება იქნება. სომხეთის დამოუკიდებლობიდან დღემდე არასდროს ყოფილა ერევანი ასე შორს რუსული ორბიტისაგან.
5. ისრაელი-ჰამასის ომი - ეს ომი დიდი გეოპოლიტიკური ძვრების გამოძახილია. 2019 წელს დაწყებული ისრაელის დაახლოება არაბულ სახელმწიფოებთან შეჩერებული და უკუქცეულია. ირანი რეგიონის რადიკალებისათვის მისაბაძ მაგალითადაა ქცეული. ისრაელი ღაზას დაკავების შემდეგ მისი კონტროლის საკითხს ძალიან სერიოზულად დააყენებს. როგორც ისრაელის მოქმედი ხელისუფლება აცხადებს, ისინი ღაზას არ გადასცემენ რამალაში (დასავლეთ ნაპირზე) ბაზირებულ პალესტინის ხელისუფლებას. ეს კი ღაზასა და პალესტინური მოსახლეობის ბედს კითხვის ნიშნის ქვეშ ამყოფებს.
6. კრიზისის წითელ ზღვაში - ზღვა კვლავაც რჩება ტვირთების გადაზიდვის ყველაზე მნიშვნელოვან საშუალებად. ირანის მიერ კონტროლირებადი, იემენში ბაზირებული ჰუთები (ჰუსიტები) აქტიურად იყენებენ რაკეტებსა და დრონებს ხომალდების წინააღმდეგ. ამ ფონზე სატრანზიტო მიმოსვლა წითელ ზღვაში შემცირდა. თუკი ეს ტენდენცია გაგრძელდა ეს დიდ პრობლემებს შექმნის გლობალურ ბაზარზე. ამიტომაცაა, რომ აშშ-მ დიდი რაოდენობით საზღვაო ძალების გადასროლა მოახდინა ამ მიმართულებით.
7. მიანმარში პრო-რუსული და პრო-ჩინური ხელისუფლების მარცხის დასაწყისი - 2021 წელს დემოკრატიული მთავრობის დამხობის შემდეგ მოსული პრო-რუსული და პრო-ჩინური სამხედრო დიქტატურა თვითნასწავლი გასამხედროებული მოსახლეობის მიერ განდევნილ იქნა ქვეყნის 70%-დან. არადა რუსული და ჩინური იარაღის ერთ-ერთი ძირითადი მსყიდველი სწორედ მიანმარის სამხედრო ძალები იყვნენ. მიანმარში ჩინეთის მხარდაჭერილი მთავრობის მოსვლა ერთგვარი მცდელობა იყო ჩინეთის მხრიდან ეჩვენებინა რეგიონისათვის რომ დომინანტი პოლიტიკური ძალა რეგიონში სწორედ ის იყო. ახლა ეს პრეცედენტი ლოკალიზებულია.
8. ტაივანის კრიზისი - ჩინური ხომალდები აქტიურ სამხედრო წვრთნებს აწარმოებენ ტაივანის ირგვლივ. კუნძულზე თავდასხმისთვის რამდენიმე სცენარი არსებობს. ყველაზე ნათელი კი მისი ბლოკადის დაწყებაა, რომლის კონტურებიც წელს რამდენჯერმე გამოიკვეთა. ჩინურ ხომალდებს სპეციალური სექტორები აქვთ განსაზღვრული, სადაც პატრულირებენ ხოლმე, ხოლო წვრთნებისას ჩინური რაკეტები ტაივანის საჰაერო და საზღვაო სივრცეში აქტიურად დაფრინავენ. აშშ მიზანმიმართულ ორაზროვან პოლიტიკას აწარმოებს. არავინ იცის რას იმოქმედებს აშშ თუკი ჩინეთი თავს დაესხმება ტაივანს. თავისმხრივ, ტაივანში აქტიურად ემზადებიან ყველა შესაძლო სცენარისათვის. მიუხედავად აშშ-ში არსებული კრიზისებისა, პარტიებს შორის ჩინეთთან დაკავშირებით ძალიან ნეგატიური განწყობები არსებობს. ეს კი ტაივანისათვის ერთგვარი იმედი შეიძლება იყოს.
ახლა ჩინეთი რუსეთს აკვირდება. თუკი რუსეთმა წარმატების რაიმე პრეცედენტი შექმნა და დასავლეთი დაღალა, ის აუცილებლად იმოქმედებს და არამხოლოდ ტავიანთან მიმართებით არამედ მთელს სამხრეთ ჩინეთის ზღვაშიც.
ამ თემაზე დეტალურად:
9. შიდა პოლიტიკური კრიზისი აშშ-ში - აშშ-ს პოლიტიკა უკიდურესად პოლარიზებულია. თითქმის ყველა საგარეო თუ საშინაო პოლიტიკური საკითხი დავისა და ვაჭრობის საგანი ხდება დემოკრატებსა და რესპუბლიკელებს შორის. ამ შიდა მეტოქეობასა და ურთიერთდაპირისპირებას აშშ-ს სახელმწიფო ინტერესების გაპრობლემება და რეპუტაციული ზიანის მიყენება მოჰყვა. 2024 წელი ამ პროცესის გაგრძელება იქნება. ამით კი აგრესიული რეჟიმები სარგებლობენ ხოლმე. თუმცა კრიზისმა აშშ-ში ისიც წარმოაჩინა, რომ ევროპას რიგი საკითხების თავის თავზე აღებაც მოუწია. სწორედ ამიტომ ვხედავთ სამხედრო წარმოების გაძლიერებას ევროპულ სახელმწიფოებში.
10. დიდი ცვლილებების არარსებობა ფრონტის ხაზზე უკრაინაში - მიუხედავად მოლოდინისა, უკრაინელებმა ვერ შეძლეს ფრონტის ხაზის მასირებული გარღვევა. გარკვეული წარმატება იყო სამხრეთში, ველიკა ნოვოსილკას მიმართულებით, რობოტინეს გათავისუფლებისას და მდინარე დნიპროს გადალახვით, მაგრამ სხვა მხრივ გარღვევა არ ყოფილა.
თავის მხრივ, რუსებმა დიდი მსხვერპლის ფასად ბახმუტი დაიკავეს. ისეთი დასახლებები კი როგორებიც დონეცკის ოლქში ავდიივკა, მარიინკა და ვუჰლედარი იყო დიდ ხორცსაკეპადა იქცა, რომელსაც რუსებმა ათიათასობით სამხედრო შესწირეს და წინ წაწევა ვერ ან უმნიშვნელოდ შეძლეს.
2024 წელს ორივე მხარე შეეცდება გენერალური გარღვევის წარმოებას და მოწინააღმდეგის იძულებას.
11. [ბონუს მოვლენა] - ევროკავშირში ცვლილებებია - გაერთიანება ცდილობს უნგრეთის მიერ ვეტოთი წარმოებული პერმანენტული ვაჭრობისა და მუქარის პოლიტიკა ერთხელ და სამუდამოდ შეცვალოს და ისეთი რეფორმები განახორციელოს, რომელიც ვეტოს დაძლევის მექანიზმს შეამუშავებინებს ან სრულიად გააქრობს მას. ეს ყველაფერი კი გრძელვადიანი, მაგრამ დამაიმედებელი პროცესის დასაწყისია.

ამ ფონზე საქართველო ევროკავშირის კანდიდატი ქვეყანა გახდა, რაც არამხოლოდ ინსტიტუციური და პოლიტიკური წარმატებაა, არამედ ცივილიზაციური არჩევანის განმტკიცებაც.

მიყევით ბმულს - გიორგი კობერიძე

კულტურა
«Frankfurter Allgemeine Zeitung» (გერმანია): „ქართული სამზარეულოს მრავალფეროვნება: ტრადიციული სუფრის თავისებურებები“

„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).

გთავაზობთ პუბლიკაციას შემოკლებით:

„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.

ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...

ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.

ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.

„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...

ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.

რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.

ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.

მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს  სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.

თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.