წუხანდელი ღამე ბელგოროდის ოლქში:
- წუხელ რამდენჯერმე დაიბომბა შსს-სა და ფსბ-ს ცენტრი ქალაქ ბელგოროდში. სავარაუდოდ, ეს არ იყო სარაკეტო შეტევა, არამედ მოქმედებდნენ დრონები. აფეთქებები იყო სხვა ადმინისტრაციული შენობების მიმართულებითაც. ქალაქიდან მოსახლეობის ნაწილი გასულია.
- პრო-უკრაინული ძალები კვლავ რუსეთის ტერიტორიაზე იმყოფებიან და აკონტროლებენ ოთხ დასახლებულ პუნქტს;
- რუსეთის თავდაცვის ძალები მთელი ღამით უტევდნენ პრო-უკრაინულ ძალებს, თუმცა ამ ეტაპზე კვლავ აცხადებენ რომ "ოპერაცია გრძელდება". რაც ნიშნავს, რომ დაკავებული ტერიტორიის დაბრუნება ჯერ კიდევ ვერ შეძლეს.
- ბელგოროდის ოლქის დიდ ნაწილში არ არის წყალი, გაზი და ელექტრო ენერგია;
- კვლავ აქტიურად ჟღერდება ე.წ. ბილჰოროდის სახალხო რესპუბლიკის იდეა, ამჯერად ზოგიერთი რუსი თვითგამოცხადებულ ლიდერადაც კია წარმოდგენილი. ეს ფსიქოლოგიური ოპერაციის ნაწილია, თუმცა რუსეთის შორეულ და შერეულ რესპუბლიკებში მსგავსი ამბები ნამდვილად არ გამოეპარებათ.
- თავად რუსები ამბობდნენ რომ გუშინ საღამოდან პრო-უკრაინელმა ძალებმა სპეციალური პოლიციური საგუშაგოები მოაწყვეს და გადაადგილებას აკონტროლებდნენო. ზოგი იმასაც წერდა პოლიციის ფორმები აქვთ გადაცმულიო. რუსული შეფასებების და მონაყოლის დაჯერება რთულია, მაგრამ ფაქტია, რომ სიტუაციას ამ დრომდე ვერ აკონტროლებენ.
ზოგადი მდგომარეობა:
რადგანაც ყველა მხარე ინფორმაციას მაქსიმალურად ასაიდუმლოებს, სხვა ფაქტობრივი მონაცემები საკმაოდ ბუნდოვანია. პრო-უკრაინულ ძალებს ისეთი პოზიციები უკავიათ, რომ რუსული ნაწილების მხრიდან აქტიური დაწოლის შემთხვევაში უკრაინისაკენ უკუსვლა ადვილად შეძლონ.
