USD 2.7084
EUR 2.9337
RUB 2.9233
თბილისი
გიორგი კობერიძე - რუსული კანონის მიღება საქართველოს ავტოკრატიად ჩამოყალიბების გზაზე სწრაფი ნაბიჯებით სვლის ტოლფასია.
თარიღი:  142
ცხვირმოუხოცავი ტროლ-ბოტები დასავლეთზე და დემოკრატიაზე რომ ღლიცინებენ და მოქალაქეების ტვინიც რეცხვას ცდილობენ უნდა შევახსენო, რომ ავტოკრატიაში მოქალაქე არის უუფლებო არსება, მონასთან გატოლებული წარმონაქმნი, რომელსაც რასაც აიძულებენ იმას აკეთებინებენ. "პოლიტიკა არ მაინტერესებსო და მიიღონ ეს კანონი მე რაში მეხებაო" რომ გაიძახიან ხოლმე ობიექტური და ზეპოლიტიკური ჰგონიათ თავი - ძველი ბერძნებო ამბობდნენ პოლიტიკა ვისაც არ აინტერესებს ან ცხოველია ან ღმერთიო. ღმერთი რომ არავინ არ არის გასაგებია და ჰოდა რაც დარჩა ესეც ნათელია. რატომაა ასე? შენ თუ არ გაინტერესებს პოლიტიკა პოლიტიკას აინტერესებ შენ. რუსი სამხედრო ტყვეები და მათი ოჯახის წევრები იმართლებენ ხოლმე თავს - აბა მე პატარა კაცი/ქალი ვარ და რაში მეხება პოლიტიკაო. ბახმუტთან რომ გიშვებენ სასაკლაოზე ხორცსაკეპში მაშინ ხომ აღმოაჩენთ ხოლმე რომ პოლიტიკას აინტერესებთ თქვენო - კითხულობენ უკრაინელები.
ესაა ავტოკრატიის ანაბანა - შეიძლება შენ არ გაინტერესებდეს რა ხდება ქვეყანაში, მაგრამ ხვალ ქვეყნის შიდა პოლიტიკამ შეიძლება ჩაგაჩუმოს სამუდამოდ. ვისაც მონობა უნდა ეს მისი არჩევანია, მაგრამ საქართველოში მონობის, როგორც ნორმის დაბრუნება მხოლოდ მტერს შეიძლება სურდეს.
ევროკავშირსა და აშშ-ზე მოქილიკე ტიპებს კი რატომღაც ავიწყდებათ, რომ განათლების სისტემის დაფინანსებით დაწყებული, სამხედრო ძალებში უმნიშვნელოვანესი წვრთნებითა და აღჭურვილობით დამთავრებული - თითქმის ყველაფერი დასავლურ დონაციაზე დგას. პატარა კოტეჯი რომ ჩადგა თუ ძველი ძეგლის რესტავრაცია გააკეთო ისიც უცხოური გრანტებით კეთდება ხოლმე. მახსოვს პარლამენტიდან რომ იჭაჭებოდნენ ამ ხელისუფლების წარმომადგენლები EBRD-ებზე არ დავდივართო კი მოიხმარენ ევროპის რეკონსტრუქციისა და განვითარების ბანკის დაფინანსებულ გზებს, ელექტრო ენერგიასა და ინფრასტრუქტურას.
მარტოდ და უმოკავშირეოდ დარჩენილი საქართველოს ხილვა მხოლოდ მტერს შეიძლება სურდეს. რამდენჯერაც მარტო დარჩა საქართველო მტრის წინაშე იმდენჯერ ეგზისტენციალური, ყოფნა-არყოფნის საფრთხის წინაშე აღმოჩნდა.
"ამერიკაში რომ არის ეს კანონი?!" - პოლიტიკური პროვინციალიზმის ტიპური გამოვლინებაა. თუკი ამერიკაში სულელური კანონია ჩვენთანაც უნდა მივიღოთ?! და თან იმგვარ კანონს, რომელსაც ზარალი უფრო მოაქვს, ვიდრე სარგებელი. თუმცა რატომღაც ისიც ავიწყდებათ, რომ ეს კანონი აშშ-ში ფაშიზმისა და კომუნიზმის ლობიზმთან დაკავშირებული, 1938 წელს, 85 წლის წინ მიღებული კანონია და ის ოდნავადაც არ ასახავს თანამედროვე რეალობას საქართველოში.
სამაგიეროდ რუსეთში მუშაობს ეს კანონი ისე, როგორც აქ უნდათ რომ აამუშაონ: უპირველესი რამ კი ინტერპრეტაციაა - როგორც უნდათ და ვისაც უნდათ ისინი ცხადდებიან გავლენის აგენტებად. სამაგიეროდ, ვინც მართლაც აგენტია ხელდაფარებული, მშვიდად გააგრძელებს მუშაობს.
სამაგიეროდ ეს კანონი იდეალური საშუალებაა დაჩაგრო და გააჩუმო ის, ვინც გინდა ისე როგორც ეს რუსეთში კეთდება. მედია საშუალება? რა პრობლემაა. საოჯახო სასტუმრო რომ ააშენო უცხოური გრანტით მაგ შემთხვევაშიც კი შეუძლიათ უცხოეთის გავლენის აგენტად რეგისტრაცია მოგთხოვონ თუკი თვალში არ მოუხვალ. პუბლიკაცია რომ დაწერო უცხოური გრანტით ან წიგნი თარგმნო - ამ შემთხვევაშიც. და ეს ყველაფერი ჩვეული ამბავია რუსეთში. ასეთი რამ ქვეყანაში, რომელშიც შერჩევითი სამართალი დამოუკიდებლობის მიღების დღიდან დღემდე მოქმედებს წარმოიდგინეთ რამხელა ინტერპრეტაციის საშუალებას იძლევა. ავტოკრატების ხელში ერთ-ერთი საყვარელი სათამაშო იქნება ეს ყველაფერი.
არჩევნებზე რეგისტრაცია რომ სცადო და არასამთავრობო სექტორში გქონდეს ნამუშევარი - ამ შემთხვევაში კანდიდატობიდან ხსნიან ხოლმე რუსეთში - ეს ერთ-ერთი ყველაზე აპრობირებული მეთოდია იქ.
ჰოდა თავს ნუ მოვიტყუებთ, ევროკავშირისა და დასავლეთისაკენ სწრაფვის ნაცვლად მალე მივიღებთ "არასანქცირებული მიტინგის" შესახებ კანონს და ხალხის დაკავებები და დარბევები "უკანონო" დემონსტრაციებზე ჩვეულ ამბად იქცევა. ზოგისთვის საყვარელ რუსეთში ყოველდღიური ამბავია ეს.
ჰო მართლა, ხელისუფლების წევრებო, თუკი ასე არ მოგწონთ ევროპა და დასავლეთი გამოიყვანეთ თქვენი შვილები ევროპული და ამერიკული უნივერსიტეტებიდან, ნუ ამუშავებთ მათ უცხოურ კომპანიებში და გაუთანაბრეთ საქართველოს საშუალო მოქალაქეს, რომელიც წლიდან წლამდე გაჭირვებით უქმნის საკუთარ შვილს მომავალს.
დაბოლოს, სანამ კუნთების თამაშს მორჩებით 22 მილიარდი რომაა საქართველოს საგარეო ვალი და ცუნამის მოახლოებასავით რომ მოგვდგომია კარებზე ისე არ მოიქცეთ, რომ სასწრაფოდ დაბრუნება მოგვთხოვონ ჩამოწერის ნაცვლად. ჰოდა ვისაც რუსულ კანონებში ცხოვრება გინდათ წადით რუსეთში და იქ იცხოვრეთ, მაგრამ ჩვენ თავი დაგვანებეთ.
პ.ს. ბარომეტრი რომ მქონდეს ოპოზიციას ჩამოვკიდებდი - პოლიტიკურ ქვესკნელში, რომ არიან მაინტერესებს წნევა როგორია იქ. უნგრეთშია ასე - ოპოზიცია ერთმანეთთან ბრძოლას უფრო მეტ დროს უთმობს, ვიდრე ქვეყანაში არსებული ვითარების გამოსწორებასა და საზოგადოებასთან მუშაობას. ბოლოს რომელი თქვენგანი გავიდა პარლამენტს გარეთ და უბრალო ადამიანს დაელაპარაკა ამა თუ იმ თემაზე/კანონზე?!
მიყევი ბმულს - გიორგი კობერიძე
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.