USD 2.7599
EUR 3.0569
RUB 3.2807
თბილისი
გიორგი კობერიძე - 2023 წლის ზოგადი მდგომარეობის შეჯამება უკრაინაში
თარიღი:  382
2023 წლის ზოგადი მდგომარეობის, ფრონტის ხაზის ცვლილებისა და ტერიტორიების ფლობის შეჯამება უკრაინაში:
[რუკაზე წითელი ფერით რუსეთის მიერ დაკავებული ტერიტორიაა ნაჩვენები; ყვითელი ფერით კი უკრაინელთა მიერ გათავისუფლებული ტერიტორიები]
- [ რუსეთი] 2023 წლის განმავლობაში რუსებმა უკრაინის ტერიტორიის დაახლოებით 590 km² დაკავება შეძლეს. მათ ყველაზე დიდ წარმატებას ბახმუტის მიმართულებით მიაღწიეს. დაიკავეს ქალაქი და მისი შემოგარენი, თუმცა დანაკარგის რაოდენობა 60 ათასი სამხედრო იყო, რომელთა მნიშვნელოვანი ნაწილი ვაგნერზე მოდიოდა.
ყველაზე დიდი მსხვერპლი და კატასტროფული დანაკარგები კი ვუჰლედარის მიმართულებით ჰქონდათ, დონეცკის ოლქში. დანაღმულ მდელოზე ზამთარსა და ადრეულ გაზაფხულზე წარუმატებელი შეტევის შემდეგ 6000-მდე სამხედრო და ათეულობით ერთეული დაკარგა რუსეთმა.
2023 წლის ერთ-ერთი ყველაზე რთული და ინტენსიური ბრძოლა ახლა მიმდინარეობს ავდიივკას მიმართულებით, ქალაქი დონეცკის მომიჯნავედ. უკრაინელები ქალაქში მყარად დგანან, მაგრამ რუსების ინტენსიური შეტევა ფლანგების მიმართულებით მიმდინარეობს. მთლიანობაში 50 km² დაკავება შეძლეს რუსებმა დანაკარგები კი პროფესიონალ სამხედროებში 15 ათასამდეა. განადგურებულია ძვირფასი ტექნიკა.
- [ უკრაინა ] - უკრაინელთა მხრიდან ყველაზე დიდი წარმატება დონეცკის ოლქში, სამხრეთში, ველიკა ნოვოსილკას მიმართულებით ჰქონდათ. მათ არამხოლოდ ყოველგვარი საფრთხე მოხსნეს ქალაქს, არამედ გაათავისუფლეს მის სამხრეთით მდებარე დასახლებები როგორიცაა ნესკუჩნე, ბლაჰოდატნე, სტაროჟევე, მაკარივკა, სტარომაიორსკე, უროჟაინე, ნოვოდარივკა და რივნოპოლი. სულ უკრაინელებმა 570 km² გაათავისუფლეს.
უკრაინელთა მხრიდან ზაპორიჟიას ოლქში დაწყებული შეტევა მეტწილად წარუმატებელი იყო. ზაპორიჟიას ოლქში ვერ მოხერხდა რუსული თავდაცვის ზღუდის გარღვევა, მიუხედავად იმისა, რომ რობოტინეს გათავისუფლების შემდეგ ფორტიფიკაციების ნაწილობრივი გადალახვა რამდენიმე ადგილას მოხდა. ზაპორიჟიას ოლქში უკრაინელებმა მხოლოდ რობოტინე, ლობკოვე და პიატიხატკი გაათავისუფლეს.
მცირე წინსვლა იყო ხერსონის ოლქში, მდინარე დნიპროს აღმოსავლეთ ნაპირზე, სადაც უკრაინელებმა კონკას აუზში დაჩები დაიკავეს და კრინკის შეუტიეს. ამ უკანასკნელისათვის ბრძოლა ახლაც გრძელდება.
თუკი 2022 წელს საოცარ იარაღად არტილერია HIMARS იყო წელს მისი ადგილი ფრთოსანმა რაკეტა Storm Shadow-მ დაიკავა. მისი მეშვეობით უკრაინელებმა დაფარეს ყირიმის დიდი ნაწილი და რამდენჯერმე დაბომბეს სევასტოპოლი თუ სხვა საპორტო ქალაქები.
-  საკმაოდ მნიშვნელოვანი იყო მარტიდან მოყოლებული რამდენიმე სამხედრო ოპერაცია რუსეთის ტერიტორიაზე, როგორც ბელგოროდის ისე ბრიანსკის ოლქის მიმართულებით, სადაც უკრაინელთა მიერ ორგანიზებულმა თავისუფალი რუსეთის ლეგიონმა და მოხალისეთა კორპუსმა რამდენიმე მცირე დასახლების დროებითი დაკავება და რუსული ტექნიკის განადგურება შეძლო. ამან არამხოლოდ რუსული ნაწილები დააჯაჭვა სასაზღვრო ზონას, არამედ მსოფლიოს დაანახა რომ რუსეთის მიერ ყველა დადგენილი წითელი ხაზი გადალახვადია და საპასუხოდ ბევრი ვერაფერიც ვერ მოხდება.
- 2023 წელს რუსეთის მიერ დადგენილი კიდევ ორი წითელი ხაზი გადაილახა: 1. ყირიმის ხიდის ხელშეუხებლობა დაირღვა და მისი კიდევ ერთხელ აფეთქება შეძლეს უკრაინელებმა (მოგვიანებით ის ისევ გაარემონტეს). 2. მოსკოვის ოლქი და ქალაქი მოსკოვი რამდენჯერმე დაიბომბა. ამასთან, კრემლის სახურავსაც დაეცა დრონი. ამაზე რუსეთის მხრიდან ვერანაირი ხელშესახები პასუხი ვერ იქნა გაცემული გარდა მშვიდობიანი მოსახლეობის მოკვლისა.
წითელ ხაზად ვერ მივიჩნევთ, მაგრამ პრიგოჟინის ამბოხი დიდი დარტყმა იყო კრემლის სტაბილურობისათვის. მასაც გაუბედეს აჯანყება. ეგ კი უბრალო რამ არ არის.
- 2023 წლის რუსეთის მხრიდან პოლიტიკურად ჩავარდნილი და მისთვის კონტრპროდუქტიული მუქარა უკრაინის პორტების ბლოკადასთან იყო დაკავშირებული, რუსეთმა არათუ ვერ შეძლო უკრაინის წინააღმდეგ ბლოკადის შენარჩუნება, არამედ ამ პროცესში რამდენიმე სამხედრო და საპატრულო ხომალდი დაკარგა და სამხედრო გემები საზღვაო პორტებს მიაჯაჭვა. საბოლოოდ მათი ნაწილი უკრაინელებმა ფრთოსანი რაკეტებით დაბომბეს პორტის ტერიტორიაზევე და ამ ფონზე არამხოლოდ სადესანტო ხომალდი, არამედ წყალქვეშა ნავიც კი გაუნადგურეს. იმ ფონზე, რომ ფლოტი ერთ-ერთი ყველაზე ძვირი სიამოვნებაა და მისი აღდგენა სპეციალურ ინფრასტრუქტურასა და ხანგრძლივ დროს საჭიროებს, რუსეთის შავი ზღვის ფლოტის ხომალდების განადგურება და დაზიანება ერთ-ერთი ყველაზე დიდი სამხედრო და პოლიტიკური დარტყმა იყო რუსეთისათვის.
- რუსეთის პროპაგანდა იმაზე იყო აგებული რომ ის ნატოს გაფართოებას არ დაუშვებდა. 2023 წელს ნატო ფინეთის სახით გაფართოვდა და რუსეთმა ნატოსთან 1300 კილომეტრიანი ახალი საზღვარი მიიღო. რა გააკეთა რუსეთმა საპასუხოდ. ვერაფერი გარდა იმისა, რომ ათასობით მიგრანტის შესევა სცადა ფინეთს, მაგრამ ფინეთმა საზღვარი ჩაკეტა ხოლო ამ მიგრანტებმა რუსეთის ქალაქებში აქეთ შექმნეს პრობლემები.
მიყევით ბმულს - გიორგი კობერიძე
 
კულტურა
«Frankfurter Allgemeine Zeitung» (გერმანია): „ქართული სამზარეულოს მრავალფეროვნება: ტრადიციული სუფრის თავისებურებები“

„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).

გთავაზობთ პუბლიკაციას შემოკლებით:

„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.

ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...

ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.

ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.

„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...

ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.

რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.

ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.

მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს  სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.

თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.