- რუსებმა ინტენსიური სარაკეტო შეტევა განახორციელეს ლვივზე (ლვოვი). უკრაინულმა ჰაერსაწინააღმდეგო სისტემამ რაკეტების უმრავლესობის განეიტრალება შეძლო, მაგრამ ერთ-ერთი რუსული რაკეტა საცხოვრებელ კორპუსს მოხვდა. არიან დახოცილები და დაჭრილები. ყველა მშვიდობიანი მოსახლეა.
- გრძელდება აფეთქებების სერია დონეცკის ოლქის ოკუპირებულ მაკიივკაში. პრაქტიკულად ყველა მნიშვნელოვანი იარაღის საწყობი უკრაინულთა მიერ ცეცხლშია გახვეული.
- დაიბომბა რუსული სამხედრო ნაწილი ქალაქ დონეცკში. აშკარაა დონეცკსა და მის შემოგარენის შესახებ უკრაინულმა დაზვერვამ დეტალური ინფორმაცია მიიღო და ბოლო 72 საათია რამდენიმე წერტილზე მიმდინარეობს დარტყმების განხორციელება.
- უკრაინელებმა დაბომბეს რუსეთი, ბელგოროდის ოლქი. განადგურებული ნავთობბაზა და ენერგოინფრასტრუქტურა. რუსული ჰაერსაწინააღმდეგო სისტემები აქტიურად მუშაობდნენ ქალაქი ბელგოროდის შემოგარენშიც. აშკარაა უკრაინელთა იერიშები მასირებული ხასიათისა იყო.
- ელექტრო ენერგიის მიწოდება აღუდგა ენერჰოდარის ატომურ ელექტროსადგურს ოკუპირებულ ზაპორიჟიას ოლქში. ბოლო რამდენიმე დღეა სადგურს დენი ხარვეზით მიეწოდებოდა. უკრაინის სამხედრო დაზვერვის ხელმძღვანელის, ბუდანოვის განცხადებით, ატომური სადგურის ტერიტორიის აფეთქების რისკები შედარებით შემცირდა, რადგან მსოფლიოს ყურადღება ამ მიმართულებით მოექცა.
- რუსული რუბლი ძალიან სწრაფად უფასურდება. განსაკუთრებული ტენდენცია ბოლო ერთ კვირაში ფიქსირდება. ჩნდება მოლოდინი, რომ იმპორტირებული პროდუქცია რუსეთში მალევე გაძვირდება. ნეგატიურმა მოლოდინმა კი შეიძლება სიტუაცია კიდევ უფრო დაამძიმოს.
