ყირიმიდან გამოსასვლელი ყელის სიახლოვეს, ხერსონის ოლქში, მელიტოპოლისაკენ მიმავალ სარკინიგზო ხაზთან მდებარე დასახლება რიკოვესთან იარაღის საწყობი დაიბომბა, რასაც აფეთქებების სერია მოჰყვა. სავარაუდოდ გამოყენებული იყო Storm Shadow. გარდა რიკოვეზე ფრთოსანი რაკეტებით იერიშისა ინტენსიურად იბომბება ყირიმის სიახლოვეს სტრატეგიული პუნქტები - როგორც დასავლეთით, ისე აღმოსავლეთით, მათ შორის ოკუპირებული სკადოვსკის სიახლოვეც. რუსული იარაღის საწყობები და სიღრმეში მდებარე პუნქტები უკრაინულ ფრთოსან რაკეტებს რთულად თუ დაემალება სადმე.
- რუსული წყაროები იტყობინებიან რომ უკრაინელებმა სარაკეტო იერიში მიიტანეს ოკუპირებული ხერსონის ოლქის შავი ზღვის სანაპირო ზოლზე მდებარე სამეთაურო პუნქტზე დასახლება ლაზურნეში.
- არამხოლოდ რუსული, ახლა უკვე Vishegrad 24-იც აცხადებს რომ ზაპორიჟიას ოლქში, ვალისივკას რაიონში მდებარე დასახლება პიატიხატკი უკრაინელებმა გაათავისუფლებს. ქალაქში შესვლა უკრაინელმა სამხედროებმა გუშინ შეძლეს, მაგრამ მისი გათავისუფლების შესახებ ცნობები ბუნდოვანი ან რუსულ წყაროებზე დაყრდნობილი იყო. პიატიხატკი ვასილივკასაკენ მიმავალ გზაზე ყველაზე დიდი დასახლებაა.
- ზაპორიჟიაში, ტოკმაკზე სარაკეტო და საარტილერიო იერიშები უწყვეტად მიმდინარეობს. კონტრშეტევის დაწყებიდან არ ყოფილა არცერთი დღე უკრაინელებს არ მიეტანათ იერიში ოკუპირებული ცენტრის მიმართულებით. დაბომბვა ღამის საათებში განსაკუთრებით ინტენსიურია.
- მძიმე და ინტენსიურია საბრძოლო მოქმედებები ორეხივი-ტოკმაკის გზაზე. ურთიერთგამომრიცხავი ინფორმაცია საკმაოდ ბევრი მოდის, მაგრამ ამ პერიმეტრის სიახლოვეს უკრაინელებმა რუსული მოიერიშე შვეულმფრენი Ka-52 ჩამოაგდეს.
- აღმოსავლეთით, ქალაქი დონეცკის სიახლოვეს, ავდიივკას ჩრდილოეთით უკრაინელთა მხრიდან დაიწყო კრიტიკულად მნიშვნელოვან დასახლებებზე ვესელესა და კამიანკაზე იერიში. დასახლებები ავდიივკას ფლანგს წარმოადგენს და მისი რუსების მიერ აღების შემდეგ უკრაინელებს ავდიივკაში გაუჭირდათ.
- რუსეთში, ბრიანსკის ოლქში სამხედრო ჰოსპიტალი დაიწვა.
- რუსეთში დაჩქარებულად, თუმცა ფარულად მიმდინარეობს თითქმის სრულმასშტაბიანი მობილიზაცია. მოსახლეობის დიდი ნაწილი ცდილობს არიდებას. როგორც ჩანს რუსეთშიც ჩნდება ეჭვი რომ სწორედ ხორცსაკეპში გასაგზავნად სურთ ათიათასობით ადამიანი. ეს კი ასე ადვილად ვერ განხორციელდება, რადგან რაც მობილიზებულები ფრონტის ხაზზე გამოჩნდნენ ოფიცრების მიერ მათი მიტოვების მაჩვენებელმა ყოველდღიური ხასიათი მიიღო. მობილიზებულებს რამდენიმე დღიანი ცოდნის გარდა არანაირი გამოცდილება არ აქვთ. რეალურად, სასიკვდილო განაჩენზე მიდიან.
ზოგადი ინფორმაცია:
უკრაინელების მხრიდან ინფორმაციის კატასტროფული დეფიციტია. რეალურად რა სიტუაციაა ფრონტის ხაზზე, რა ინტენსივობითაა დაწოლა და რა მასშტაბზე გვაქვს საუბარი სრულიად უცნობია.
