,
- უკრაინული შეტევა გრძელდება სამხრეთით. ამჯერად ვუჰლედარის სიახლოვეს უკრაინელებმა რუსული პოზიციების მიმართულებით დაახლოებით ერთი კილომეტრით წაიწიეს წინ. ამ მონაკვეთზე რუსებმა ვუჰლედარი-პავლივკას შტურმისას დეკემბერ-თებერვალში 6000-მდე სამხედრო დაკარგეს და ვუჰლედარის აღება ვერც შეძლეს. ახლა კი უკრაინელები სწორედ ვუჰლედარის შემოგარენთან ახორციელებენ იერიშს. საინტერესოა რომ ვუჰელდარის სიახლოვეს უკრაინული შეტევა არცთუ ისე შორსაა - 25-30 კმ - ველიკა ნოვოსილკას მიმართულებასთან, სადაც უკრაინელებმა ბოლო ერთ კვირაში მინიმუმ ხუთი დასახლება გაათავისუფლეს. ვუჰლედარი ერთგვარი საკვანძო წერტილია დონეცკის ოლქში, რომელიც როგორც მარიინკადან ისე ვოლნოვახადან დაახლოებით 25-25 კილომეტრითაა დაშორებული. პირველი ქალაქი ზედ ქალაქ დონეცკს ემიჯნება, მეორე კი მარიუპოლისაკენ სამხრეთიდან მიმავალ გზაზე ყველაზე დიდი დასახლებული პუნქტი და სარკინიგზო კვანძია.
- აღსანიშნავია, რომ დღეს უკრაინელებმა ვოლნოვახაც დაბომბეს. ბოლო კვირების განმავლობაში ეს პირველი შემთხვევა არ არის აღნიშნულ ნასახლარში (დაუზიანებელი შენობები ძალიან ცოტაღაა დარჩენილი) უკრაინელების იერიშისა, მაგრამ მნიშვნელოვანია ისიც, რომ ვოლნოვახაში რუსული მნიშვნელოვანი სამხედრო ძალაა განთავსებული.
- იბომბება ქალაქი დონეცკის სამხედრო სამიზნეები. ამჯერად სავარაუდოდ მძიმე ტექნიკის შესაკეთებლად გადაკეთებული ქარხანა იქნა დაბომბილი.
- რაც შეეხება ველიკა ნოვოსილკას მიმართულებას, რომელშიც უკრაინელები წინა დღეებში ძალიან აქტიურობდნენ: ამჯერად უკრაინელებსა და რუსებს შორის საარტილერიო დუელი მიმდინარეობს სტარომლინივკას სიახლოვეს, მაგრამ უკრაინელები აშკარად ჯაბნიან მათ. მეტიც, უკრაინელები იყენებენ AT2 ნაღმებს, რომელთა გამოყენებაც დისტანციური დანაღმვისათვისაა ეფექტური. საარტილერიო დანადგარი ისვრის ნაღმს, ტექნიკა გადაივლის მასზე და ფეთქდება ის. ეს კი ნიშნავს, რომ უკრაინელები რუსების მხრიდან ნებისმიერი კონტრშეტევის პრევენციაზე აკეთებენ აქცენტს.
- კვლავ გააქტიურდა ველიკა ნოვოსიკლას დასავლეთით კიდევ ერთი წერტილი - ორეხივი-ტოკმაკის მიმართულება. შეტაკებები ინტენსიურად მიმდინარეობს. ეს სწორედ ის მონაკვეთია, სადაც რამდენიმე დღის წინ უკრაინელებმა რამდენიმე "ბრედლი" დაკარგეს. თუ რა მდგომარეობაა ზუსტად ალბათ რამდენიმე საათში ან დღეში უკეთ გამოჩნდება.
- მიმდინარეობს რუსულ ტექნიკაზე აქტიური ნადირობა ბახმუტსა და მის შემოგარენში. უკრაინული დრონები ახდენენ ზუსტ კოორდინირებას და უკრაინული არტილერია ზედმიწევნით ზუსტად ანადგურებს რუსულ საარტილერიო თუ სამეთაურო პოზიციებს. ამ ეტაპზე, როგორც ჩანს, არამხოლოდ ნელი წინსვლით ცდილობენ უკრაინელები რუსების პოზიციების მოგუდვას, არამედ ცდილობენ პერმანენტული დარტყმებით შეუძლებელი გახდეს ქალაქისა და მისი შემოგარენის შენარჩუნება. ამასთან, რუსებმა იმდენად გაანადგურეს ქალაქი, რომ იქ შეუმჩნევლად შტაბის მოწყობა ძალიან გაჭირდება.
- სიტუაცია რუსეთის ბელგოროდის ოლქში კრიტიკულია. გარდა იმისა რომ საარტილერიო დარტყმები მთელი ოლქის ტერიტორიაზე გრძელდება, ძალიან სწრაფად იზრდება მაროდიორობაც. ბოლო სამი კვირაა მაროდიორობამ ჩვეული ხასიათი მიიღო. იძარცვება მაღაზიები, საწყობები, ტექნიკაც კი. ძალიან დიდი სხვაობა არც კურსკის ოლქშია, მაგრამ იქ რუსები უფრო ფლობენ სიტუაციას, ვიდრე ბელგოროდის ოლქის დიდ ნაწილში.
- შვეიცარიამ ძალიან საინტერესო პროცესებშია ჩართული. წლების განმავლობაში მისი ნეიტრალიტეტი იმდენად ხელშეუვალი იყო, რომ ნებისმიერ სახელმწიფოსთან სამხედრო თანამშრომლობას კატეგორიულად ერიდებოდა ოფიციალური ბერნი. მეტიც, მისი სასაზღვრო პუნქტები და გადასასვლელები ყველა მეზობელთან გახლდათ დანაღმული. ხოლო ბუნკერები თითქმის ყველა სახლის ქვეშაა მოწყობილი. მაგრამ ახლა ეს დინამიკაც იცვლება - არა, შვეიცარია სამხედრო მომზადებას კი არ ასუსტებს (მას ერთ-ერთი საუკეთესო აქვს მთელს მსოფლიოში - სხვანაირად ნეიტრალიტეტის დაცვას ვერ შეძლებდა, რადგან როდესაც ნეიტრალური ხარ არც ოფიციალური მტრები არ გყავს, მაგრამ არც ოფიციალური მეგობრები - სულ მარტო ხარ), არამედ აპირებს შეცვალოს კანონი და დაუშვას შესყიდული შეიარაღების უკან გამოსყიდვის უფლება. მარტივად რომ ვთქვათ, თუკი შვეიცარიას აქვს გერმანიისაგან ნაყიდი შეიარაღება მისი შვეიცარიისაგან გამოსყიდვის უფლება ექნება ბერლინს. ეს კი ნიშნავს, რომ მილიტარიზებული შვეიცარიისაგან ბევრი იარაღის შესყიდვის შესაძლებლობა იქნება, რომელიც შეიძლება უკრაინაში მოხვდეს. ზელენსკიმ მიმართა კიდეც შვეიცარიის პარლამენტს და მთავრობას და მოუწოდოს რუსეთის წინააღმდეგ დაწესებული სანქციების მიღმა შესყიდული იარაღის ხელახალი ექსპორტი დაუშვას.
- ევროპარლამენტმა მიიღო რეზოლუცია რომ უკრაინა ვილნიუსის ან მის შემდგომ სამიტებზე მიიწვიონ ნატოში. ეს ძალიან სერიოზული განცხადება და სიგნალია რუსეთის, უკრაინისა და საქართველოსათვის. რეალურად ეს ნიშნავს, რომ უკრაინას დასავლეთში როგორც თითქმის სამომავლოდ განუყოფელ წევრს ისე უყურებენ.
მიყევით ბმულს - გიორგი კობერიძე
თბილისის მერია გადასასვლელ ხიდთან, ცოტნე დადიანისა და სადგურის მოედნის დამაკავშირებელი ესტაკადის მშენებლობას გეგმავს. ახალი ინფრასტრუქტურული პროექტი 2026 წლის ბიუჯეტში უკვე გათვალისწინებულია და მასზე მომდევნო წელს 10 მილიონი ლარი დაიხარჯება, 2027 წელს კი დამატებით 87.5 მილიონი ლარი. მთლიანობაში 280-მეტრიანი ესტაკადის პროექტირება-მშენებლობის წინასწარი სავარაუდო ღირებულება 100 მილიონ ლარს შეადგენს. პროექტზე საგზაო მარშრუტის კვლევაზე 2025 წელს უკვე 2.5 მილიონი ლარი დაიხარჯა.
2026 წლის ბიუჯეტის განმარტებით ბარათში მითითებულია, რომ სარკინიგზო მაგისტრალი ქალაქის ცენტრალურ მონაკვეთს ყოფს იმგვარად, რომ მოედნის პარალელურად არსებულ ქუჩებს შორის დაკავშირებადობა მინიმალურია და აუცილებელია საზოგადოებრივი ტრანსპორტისთვის ახალი ინფრასტრუქტურის შექმნით ქალაქის უბნების დაკავშირებადობა გაუმჯობესდეს.
"ქალაქ თბილისის ცენტრში არსებული რკინიგზის კორიდორი და თანმდევი ინფრასტრუქტურა ქმნის 4-კილომეტრიან მონაკვეთს აღმოსავლეთ-დასავლეთ სატრანსპორტო კავშირის გარეშე, გარდა შეზღუდული რაოდენობის საფეხმავლო კავშირებისა. ეს ისტორიული დაბრკოლება ხელს უშლის თბილისის სატრანსპორტო გეგმის პრიორიტეტებისკენ მისწრაფებას. სადგურის მოედანი მდებარეობს აღნიშნულ ამ 4-კილომეტრიან მონაკვეთში. ის წარმოადგენს დედაქალაქის უმნიშვნელოვანეს სატრანსპორტო „ჰაბს“, სადაც თავს იყრის 61 ავტობუსის მარშრუტი, მეტროს 2 ხაზი, ისევე როგორც საქართველოს რკინიგზის სერვისები. ტერიტორია ემსახურება საათში 330 ავტობუსის სერვისს, საიდანაც მომავალში 150 გამოიყენებს ხიდს. თბილისის სატრანსპორტო გეგმის თანახმად, სადგურის მოედანი ასევე იქნება თბილისის საგარეუბნო რკინიგზის სერვისების თავმოყრის წერტილი, რაც კიდევ უფრო მნიშვნელოვანს გახდის მისი, როგორც სატრანსპორტო ჰაბის ფუნქციას. ამჟამინდელი მდგომარეობით, აღმოსავლეთ-დასავლეთ კავშირის არარსებობა აფერხებს მაღალი ხარისხის ჰაბის განვითარებას, ხშირად 22 ავტობუსის მარშრუტის შეწყვეტა ხდება ვადაზე ადრე ან ახორციელებენ 1.5 კილომეტრიანი შემოვლითი მგზავრობას, რომელიც მნიშვნელოვნად ზრდის გადაადგილების დროს, ჰაერის დაბინძურებასა და ვიბრაციას, ისევე როგორც ამცირებს მარშრუტების ხარჯეფექტიანობას. თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევამ, რომელიც მსოფლიო ბანკის დახმარებით ჩატარდა, მულტიკრიტერიუმიანი ანალიზის საშუალებით, გამოავლინა თბილისის ცენტრში არსებული რკინიგზის ხაზის ორ მხარეს (აღმოსავლეთ და დასავლეთ) შორის ახალი კავშირის შექმნის საუკეთესო ალტერნატივა - საზოგადოებრივი ტრანსპორტის პრიორიტეტის მქონე საავტომობილო ხიდი, დადიანის ქუჩასა და სადგურის მოედანს შორის. ქ. თბილისის მუნიციპალიტეტის მერია ფლობს თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევის საფუძველზე შექმნილ ანგარიშს, კონცეფციას. პროექტის მიზანი არის, ამ კონცეფციით განსაზღვრული, საავტომობილო ხიდის მშენებლობა.
აღნიშნული ობიექტი წარმოადგენს საავტომობილო ხიდს ქალაქ თბილისში, რომელიც დააკავშირებს სადგურის მოედანს დადიანის ქუჩასთან და იქნება 280 მეტრი სიგრძის, 8.5 მეტრი სიგანის სწორ მონაკვეთში, ხოლო 15 მეტრი სიგანის მოხვევის მონაკვეთში (ე.წ. სპირალი, რომელიც ეშვება სადგურის მოედანზე). ხიდი იქნება ორზოლიანი და დასავლეთით, სადგურის მოედანზე დაშვებისას, რამპას ექნება მარჯვნივ ჩამხვევი ზოლი. რკინიგზის დერეფნის კვეთისას აუცილებელია 7 მეტრიანი სხვაობა რკინიგზის ლიანდაგსა და ხიდის სტრუქტურას შორის. საავტომობილო ხიდი ითვალისწინებს 18 მეტრიანი ავტობუსების მართვის ტრაექტორიებს, მისი მაქსიმალური გრძივი ქანობი - 10.7%, ხოლო მინიმალური რადიუსი - 12 მეტრი. საავტომობილო ხიდის გამტარობა შერეული ნაკადების პირობაში იქნება 800 ავტომობილი ერთ საათში ერთი მიმართულებით", - ნათქვამია 2026 წლის ბიუჯეტის განმარტებით ბარათში.
წყარო: https://bm.ge
