- ვლადიმერ პუტინი ომის კორესპონდენტ-პროპაგანდისტებს შეხვდა. შეხვედრის დათქმული მიზანი თითქოს ალტერნატიული საინფორმაციო წყაროების ანალიზი იყო, მაგრამ სინამდვილეში პუტინი დამსწრეებს მითითებებს აძლევდა თუ როგორ უნდა წარემართათ პროპაგანდა. მაგრამ შეხვედრაზე მაინც რამდენიმე მეტად უცნაური კომენტარი გააკეთა პუტინმა. მათ შორის კი იყო ის, რომ ე.წ. სპეცოპერაციის მიზანი და განვითარება დამოკიდებულია უკრაინელთა კონტრშეტევაზეო. არადა, კრემლის გადასახედიდან რუსეთი ანექსირებულ ანუ მათი თვალთახედვიდან გამოდის რომ საკუთარ ტერიტორიებს კარგავენ უკრაინაში, მაგრამ პუტინი მაინც იმეორებს მოწინააღმდეგეს არავითარი წარმატება არ აქვსო. რეალურად იკვეთება რომ კრემლში არავითარი ხედვა არ არსებობს თუ როგორ ეხებათ ამ ომის დასრულება და ამასთან მთლიანად აქვთ სამხედრო-პოლიტიკური ინიციატივა დაკარგული - უკრაინა რას იზამს იმას შეჰყურებენ. არადა ამ პროცესში, ნაბიჯ-ნაბიჯ რუსეთი არამხოლოდ ოკუპირებულ უკრაინას კარგავენ რუსები, არამედ მეორე მსოფლიო ომის შემდეგ ბელგოროდის ოლქის სასაზღვრო ნაწილზე აქვთ კონტროლი დაკარგული.

- ზაპორიჟიას ოლქში, სამხრეთის მიმართულებაზე უკრაინული სარაკეტო შეტევის შემდეგ მოკლულ იქნა 35-ე არმიის გენერალ-მაიორი სერგეი გორიაჩევი. საინტერესოა ისიც, რომ სარაკეტო დარტყმისას სავარაუდოდ განადგურებულ იქნა რამდენიმე სხვა ოფიცერიც. შტაბზე დარტყმისას მხოლოდ ერთი გენერალი არ კვდება ხოლმე. ამასთან, დღესვე ცნობილი ხდება კიდევ ერთი რუსი პოლკოვნიკის მოკვდინების შესახებ. რეალურად, ეს ნიშნავს, რომ უკრაინელებს აქვთ სწორი კოორდინატები და კარგად ახერხებენ სამიზნეების განადგურებას.

- უკრაინელთა შეტევის შეფასებისას "ვაგნერის" ხელმძღვანელი პრიგოჟინი მუდამ იმეორებს ერთსა და იმავეს, რომ რუსეთის თავდაცვის სამინისტროს მიერ წარმართული საბრძოლო მოქმედებები აუცილებლად მიიყვანს არმიას მარცხამდე. მან უკვე დაიწყო საუბარი რომ ზაპორიჟიაში უკრაინელები წარმატებას აღწევენ და ფრონტი იშლება. ხოლო ბახმუტში უკრაინელთა წარმატების შემთხვევაში პრიგოჟინის მხრიდან თავდაცვის ძალებთან დაპირისპირება სულ სხვა ეტაპზე გადავა. პრიგოჟინს სურს რუსეთის ყველა წარუმატებლობა თავდაცვის ძალებს დააბრალოს (და ყველა წარმატება თავად მიიწეროს). ამიტომაცაა, რომ რაც უფრო მძლავრი იქნება უკრაინელთა შეტევები ყველა მიმართულებით, მით უფრო გააქტიურდება იგი და დაიწყებს "მეფის კარზე" განტევების ვაცების - შოიგუ-გერასიმოვის - ძიებას.

- უკრაინელები აშშ-ს მხრიდან იმდენივე ქვეითთა საბრძოლო მანქანა "ბრედლის" მიიღებენ რამდენიც დაკარგეს. ზოგადად, მცირედ კომიკურად იქცა კრემლის მხრიდან დასავლური ტექნიკის განადგურებაზე საუბარი. ეს რომ ყოფილიყო იგივე საბჭოთა წარმოშობის ქვეითთა საბრძოლო მანქანა БМП მათ განადგურებაზე აქცენტი არ გაკეთდებოდა. მაგრამ კრემლისა და მისი პროპაგანდისტებისათვის ერთი "ბრედლი" შეიძლება ას БМП-საც უდრიდეს და განა იმიტომ რომ უფრო მნიშვნელოვანია ის რა, არა, იმიტომ რომ კრემლის პროპაგანდით ისინი დასავლეთს ებრძვიან და დასავლური ტექნიკის თუნდაც უმნიშვნელო რაოდენობით განადგურება მნიშვნელოვანი იარაღია.

- უკრაინელებმა ქალაქი დონეცკის სამხრეთ-აღმოსავლეთით რუსეთის სამხედრო ნაწილი დაბომბეს. დარტყმა უშუალოდ თავშეყრის ადგილას განხორციელდა. მსხვერპლი მინიმუმ რამდენიმე ათეული სამხედროა.

- იბომბება ზაპორიჟიას ოლქის ქალაქი ტოკმაკის შემოგარენი. რეალურად, უკრაინელები ფორტიფიცირებულ რუსულ პოზიციებს ყოველდღიურ რეჟიმში ბომბავენ, მაგრამ პერიოდულად აფეთქებების სიმძლავრე და ინტენსივობა მატულობს ხოლმე.

- ფრონტის ხაზზე ზაპორიჟიაში უკრაინელები აღებულ ტერიტორიებს ამაგრებენ. შეტევის ინტენსივობამ მათი მხრიდან იკლო. ამას დაემატა ცუდი ამინდიც, რომელიც კიდევ რამდენიმე დღეს გასტანს. მიუხედავად ამისა ტყვეები ბევრნი არიან. ამასთან, რუსული კონტრშეტევის ყველა დაანონსებული მცდელობა ჩავარდა, მათ შორის ახლადგათავისუფლებულ მაკარივკაზეც.

- უკრაინელები აგრძელებენ დარტყმებს რუსეთის ტერიტორიაზე. კვლავ იბომბება ბელგოროდისა და კურსკის ოლქების სამხედრო სამიზნეები. ეს იმდენად ყოველდღიურად იქცა, რომ არც რუსული მედია აშუქებს მას და არც რუსი პროპაგანდისტები საუბრობენ. უძლეველი რუსეთის მითი სულ უბრალოდ ყოველდღიურად იმსხვრევა.