USD 2.7084
EUR 2.9337
RUB 2.9233
თბილისი
გიორგი კობერიძე - 1 მარტის შეჯამება უკრაინაში
თარიღი:  276
- წუხელ რუსეთში, აზოვის ზღვის საპორტო ქალაქი ეისკის სამხედრო აეროდრომი დაიბომბა. ეს სამხედრო ობიექტი იმითაა გამორჩეული, რომ იქ სუ-34 მრავალფუნქციური გამანადგურებლები იყო წარმოდგენილი. ზუსტად რა ზიანი მიადგა იქ მყოფ რუსულ ტექნიკას არაა ცნობილი, მაგრამ საუბრობდნენ მინიმუმ ორ განეიტრალებულ თვითმფრინავზე. თუმცა, თუკი ასეთ დროს სატელიტური ფოტოები არ გავრცელდა რეალურად ძალიან რთულია ზუსტ ტექნოლოგიურ ზიანზე საუბარი. პოლიტიკურ-რეპუტაციულზე კი რამდენიც გინდა.
- საღამოს დაიბომბა ყირიმიც. აფეთქებების ხმა ისმოდა ბახჩისარაის მიმართულებით. რუსული ჰაერსაწინააღმდეგო სისტემებიც აქტიურადაა ჩართული, თუმცა დრონების გამოყენებით თავდასხმების შემთხვევაში შეტევა ერთიანი და მასირებულია ხოლმე, რა დროსაც შედეგიანობა რუსულ სისტემებს არცთუ მაღალი აქვთ ხოლმე.
- დღის განმავლობაში აფეთქებების ხმა ისმოდა რუსეთში, ბელგოროდის რაიონში. უშუალოდ ქალაქ ბელგოროდში კი სირენები რამდენჯერმე ჩაირთო.
- უკრაინულმა არტილერიამ მძიმედ დაბომბა რუსული პოზიციები ზაპორიჟიას რაიონის სტრატეგიულ ქალაქ პოლოჰიში, რომელიც ფრონტისპირა მიმართულებით ერთ-ერთი უმთავრესი სამხედრო-ლოჯისტიკური ცენტრია.
- უწყვეტი საბრძოლო მოქმედებები მიმდინარეობს ბახმუტის სამხრეთით, ჩრდილოეთით და აღმოსავლეთით. უკრაინელებმა დამატებითი სამხედრო რეზერვის გადასროლა განახორციელეს ქალაქის სიახლოვეს და საჭიროების შემთხვევაში ან საქალაქო ბრძოლაში ან შესაძლო ალყის გარღვევისას აუცილებელ ელემენტად გადაიქცევა. თავად რუსული "ვაგნერის" ხელმძღვანელი ევგენი პრიგოჟინი აცხადებს, რომ ბრძოლა ახლა ყველაზე რთულ ფაზაშია შესული და რომ უკრაინელები ძალიან დიდი ძალებით არიან წარმოდგენილნი.
ქალაქის ოპერატიულ ალყაში (ეს არაა სრული ალყა, არამედ როდესაც ყველა მომარაგების გზას მოწინააღმდეგე აკონტროლებს) მოხვედრის საშიშროება მაღალია, მაგრამ ამ ეტაპზე უკრაინელებს ქალაქიდან გამავალი ორი გზა მაინც უკავიათ. ოპერატიული ალყის შემთხვევაში უკრაინელების მხრიდან ორი ვარიანტი იქნება ასეთ შემთხვევაში - ქალაქიდან გასვლა ან ალყის გარღვევა გარედან ან/და შიგნიდან.
- დონეცკის რაიონში, სამხრეთით, ვუჰლედარში იმ რაოდენობის ტექნიკური და ცოცხალი ძალის დანაკარგი აქვს რუსულ ელიტურ დანაყოფებს, რომ განიხილება საზღვაო ქვეითების საერთოდ მოხსნა და სხვა მიმართულებით გადაყვანა. რეალურად, ვუჰლედარის მისადგომებთან რუსეთმა ერთ თვეში თითქმის იმ რაოდენობის ტექნიკა დაკარგა, რაც მარიუპოლისათვის ბრძოლაში სამი თვის ყველაზე ინტენსიური ბრძოლის პერიოდში.
- ჩინეთის პრეზიდენტი სი ძინპინი მოსკოვში ჩასვლას გეგმავს. ამას რუსულ-ჩინური სამხედრო თანამშრომლობის სფეროში ძალიან კონკრეტული ზრდა შეიძლება მოჰყვეს. ეს არ იქნება უბრალო შეხვედრა შეხვედრისათვის. აშშ-ში რესპუბლიკელების ის ნაწილი, რომელიც უკრაინის დაფინანსებას ეწინააღმდეგება ერთ-ერთ არგუმენტად ჩინეთის პრიორიტეტულობა მოჰყავთ და ამბობენ, რომ პეკინი არის ნომერ პირველი საფრთხე ვაშინგტონისათვის. რუსულ-ჩინური ურთიერთობის გაღრმავების შემთხვევაში კი აშშ-ში რესპუბლიკელების ის ნაწილიც დასუსტდება, ვინც ამ არგუმენტით ცდილობდა საგარეო პოლიტიკური პრიორიტეტების ცვლილებას.
დღეს სი ძინპინი ლუკაშენკას შეხვდა.
გაყევით ბმულს - გიორგი კობერიძე
 
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.