USD 3.1181
EUR 3.6582
RUB 4.2765
თბილისი
გიორგი იულდაშვილი-შვეიცარიაში მცხოვრები ქართველი პიანისტი
თარიღი : 08.30.2021 10:19  140
7 წლის ვიყავი, როდესაც მშობლებმა მუსიკაზე შემიყვანეს, მაგრამ ფორტეპიანოს მასწავლებელმა და მუსიკალური სკოლის დირექტორმა ჩათვალეს, რომ მუსიკის “არასაკმარისი ნიჭი” მქონდა, რის გამოც მშობლები იძულებული იყვნენ მუსიკის სკოლიდან გამოვეყვანე. 11 წლის ასაკში ფორტეპიანოს მიმართულებით ხელმეორედ დამაწყებინეს მუსიკალური განათლების მიღება. საბოლოოდ მუსიკა ჩემს პროფესიად იქცა და დღეს უკვე ცხოვრების განუყოფელი ნაწილია.
 
წარმატების მისაღწევად ძალიან ბევრი სირთულე და დაბრკოლება გავიარე. ყველაზე მეტად მინდოდა დამემტკიცებინა საკუთარი თავისთვის, რომ შეუძლებელი არაფერია და თუ გულწრფელად მოინდომებ - გამოგივა. სამმაგად მეტი მუშაობა მიწევდა, ვიდრე სხვა ბავშვებს ამ სფეროში. 18 წლის ასაკში მონაწილეობა მივიღე შვეიცარიელი პროფესორის ჰანს-იურგ შტრუბის მასტერკლასებზე კონსერვატორიაში, სადაც სხვადასხვა საფორტეპიანო ნაწარმოები შევასრულე. პროფესორს ჩემი შესრულება მოეწონა და იმავე წელს მიმიწვია გერმანიაში თავის ორკვირიან მასტერკლასებზე. ზუსტად ეს აღმოჩნდა ყველაფრის საწყისი. გადავწყვიტე, რომ ბაკალავრიატზე ციურიხში ჩამებარებინა, შვეიცარიელი პროფესორის (დღეს უკვე ჩემი მეგობრი ჰანს-იურგ შტრუბი) კლასში.
 
მისაღებ გამოცდებამდე რამდენიმე თვე მქონდა დარჩენილი და ინტენსიური რეჟიმით დავიწყე გერმანული ენის შესწავლა. ვიცოდი, რომ ჩაბარების შემთხვევაში ძალიან ბევრი საგნის გავლა და ნაშრომის დაწერა მომიწევდა ჩემთვის სრულიად უცხო ენაზე. ჩავაბარე და დავიწყე გზის გაკვალვა ჩემს სფეროში. კონცერტების ჩატარებაზე შემოთავაზებები მალე მივიღე. მსმენელების და გულშემატკივრების რაოდენობაც საგრძნობლად გაიზარდა. ამავდროულად ჩემში პედაგოგის ნიჭი აღმოვაჩინე. ბაკალავრიატის წარმატებით დასრულების შემდეგ სწავლა მაგისტრატურაზე, პედაგოგიურის მიმართულებით განვაგრძე. ორი წლის შემდეგ, როდესაც ფინალური გამოცდა ჩავაბარე, აღმოჩნდა, რომ ყველაზე წარმატებული უცხოელი მაგისტრი ვიყავი ჩემს სასწავლებელში, რისთვისაც ციურიხის მერიამ დამაჯილდოვა და ფულადი პრემია გადმომცა. დღეს უკვე საშუალება მაქვს შვეიცარიის მასშტაბით, ნებისმიერ მუსიკალურ სასწავლებელში უგამოცდოდ შევძლო მუშაობის დაწყება. ყველაზე მეტად მახარებს, რომ პედაგოგიურის მაგისტრატურაზე სწავლამ ძალიან საინტერესო ხედვა და აზროვნება ჩამომიყალიბა. ჩემი ჰორიზონტი ბევრად უფრო გაიშალა. შევქმენი ევროპული და ქართული სწავლების საკმაოდ საინტერესო მეთოდი, განსხვავებული კულტურების სინთეზით. 2019 წელს ჩემი დებიუტი ციურიხის “Tonhalle”-ს დიდ საკონცერტო დარბაზში შედგა. ერთ სცენაზე დავუკარით მე და ლეგენდარულმა პორტუგალიელმა პიანისტმა - მარია ჟოაო პირეშმა.
 
2018 და 2020 წლებში გავხდი პრესტიჟული შვეიცარიული კონკურსის “Instrumentalmusik Wettbewerb des Migros-Kulturprozent”-ის ორმაგი გამარჯვებული, რამაც ჩემს კარიერაში ბევრი რამ უკეთესობისკენ შეცვალა. ასევე, 2021 წელს ქალაქ ბაზელში, “Friedlwald”-ის კონკურსზე, ახალი გამარჯვება მოვიპოვე.
 
ამჟამად მასტერ ორზე (Master Performance) ვსწავლობ. რამდენიმე თვეში კი ავსტრიულ მუსიკალურ ლეიბლთან თანამშრომლობით ჩემი პირველი ოფიციალური დისკი გამოვა, სადაც ერთ-ერთი მთავარი ადგილი ქართველი კომპოზიტორის, ნოდარ გაბუნიას საფორტეპიანო ციკლს უკავია, რაც განსაკუთრებით მახარებს. აქტიურად ვმუშაობ და მიზნად მაქვს დასახული ახლო მომავალში სასკოლო სახელმძღვანელოს გამოცემა, რომელიც დამწყებ პიანისტებს ფორტეპიანოზე დაკვრის შესწავლაში დაეხმარება.
ბიზნესი
საქართველოში შიდა ტურიზმი გაორმაგდა

საქსტატის მიერ დღეს გამოქვეყნებული ანგარიშის თანახმად, 2021 წლის მეორე კვარტალში ქვეყანაში შიდა ტურიზმის მოცულობა გაორმაგდა. სტატისტიკის თანახმად, 15 წლის და უფროსი ასაკის ვიზიტორების მიერ განხორციელებული ვიზიტების რაოდენობა 1,415,000 იყო, რაც წინა წელთან შედარებით 109%-ით მეტია. 

საქსტატის ანგარიშის მიხედვით, განხორციელებულ ვიზიტებს შორის ტურისტული ვიზიტი (ვიზიტი, რომლის დროსაც ვიზიტორი 1 ღამით მაინც დარჩა ვიზიტის ადგილზე) 654,500 იყო, რაც წინა წელთან შედარებით 112%-ით მეტია. დანარჩენი ვიზიტები კი ექსკურსიულ ხასიათს ატარებდა, რა დროსაც ვიზიტორები ვიზიტის ადგილზე 1 დღეზე ნაკლები დროით დარჩნენ. 

გამოკვლევის შედეგების მიხედვით, ვიზიტორების 44.1 პროცენტი ქ. თბილისის მაცხოვრებელია, 11.6 პროცენტი მოდის იმერეთის, რაჭა-ლეჩხუმისა და ქვემო სვანეთის რეგიონზე, 11.2 პროცენტი - ქვემო ქართლის რეგიონზე, ხოლო დანარჩენი რეგიონები სტრუქტურაში შედარებით დაბალი წილით არის წარმოდგენილი.

2021 წლის მეორე კვარტალში ვიზიტების უმრავლესობა (47.0 პროცენტი) განხორციელდა მეგობრების/ნათესავების მონახულების მიზნით.

მიზნობრიობის მიხედვით, ვიზიტები ასე ნაწილდება:

მეგობრების/ნათესავების მონახულება - 47%;
მეორე სახლის მონახულება (აგარაკი და სხვა) - 17.5%;
შოპინგი - 14.1%;
მკურნალობა, გაჯანსაღება - 7.8%;
დასვენება, გართობა, რეკრეაცია - 7%;
პროფესიული/ეკონომიკური საქმიანობა - 3.1%;
რელიგია/მომლოცველობა - 1.6%;
განათლების მიღება - 0.1%;
სხვა - 1.8%.

ყველაზე მეტი ვიზიტი განხორციელდა ქ. თბილისში (საშუალოდ 316.2 ათასი ვიზიტი თვეში) და იმერეთის რეგიონში (საშუალოდ 253.9 ათასი ვიზიტი თვეში).

2021 წლის მეორე კვარტალში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა 203.4 მილიონი ლარით. აღნიშნული მაჩვენებელი 128.1 პროცენტით მეტია გასული წლის შესაბამისი პერიოდის მაჩვენებელთან შედარებით. ამასთან, ვიზიტზე გაწეული საშუალო ხარჯი გაზრდილია 8.9 პროცენტით და 143.7 ლარს უტოლდება.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.