გენეტიკის ეროვნული ლაბორატორიის მმართველი პარტნიორი გიორგი ჩალაძე სკანდალურ განცხადებას აკეთებს: „საქართველოს მოქალაქეები რუსეთის ფედერაციიდან ჩამოსულები 100 დოლარად იკეთებდნენ ვაქცინას“.

„ჩვენი რეგულაციებით გათვალისწინებულია, პირველ რიგში, უნდა აიცრას კლინიკის ხელმძღვანელობა, თანამშრომლები და იქ მომუშავე ადამიანები. საქართველოში ხდებოდა პირიქით - ცოცხალ რიგში იყვნენ  ჩინოვნიკების ცოლები, მათთან დაახლოებული პირები და ძალიან ბევრი ფაქტია საქართველოს მოქალაქეები რუსეთის ფედერაციიდან ჩამოსულები 100 დოლარად იკეთებდნენ ვაქცინას", - გიორგი ჩალაძის სიტყვების ციტირება "ტვ პირველის" ეთერით გაჟღერდა.

ცნობისთვის, დაავადებათა კონტროლის ეროვნულმა ცენტრმა წინა კვირას განაცხადა, რომ რამოდენიმე ათასი დოზა ვაქცინა უკვალოდ  გაქრა.