ოჩამჩირის რაიონში მცირე ზომის სავაჭრო ნავსადგომი ჯერ კიდევ 1933-35 წლებში აშენდა.
აფხაზეთის ომის შემდეგ 1998 წლამდე აქ ჯერ კიდევ იდგა რუსული სანაპირო დაცვის დივიზიონი რამდენიმე ცალი Гриф-ის ტიპის კატარღით.
2000 იანი წლების დასაწყისში აქ უკვე აფხაზური სეპარატისტული "არმიის" მოტომსროლელი ბატალიონი იყო განლაგებული, სამხედრო ნაწილი № 237955.
ასევე აფხაზების 1204 პროექტის ორი საარტილერიო კატარღა და 1400М Гриф-ის პროექტის 4 ცალი საპატრულო კატარღა.
უკვე 2009 წლიდან სერგეი ბაგაფშის "პრეზიდენტობის" დროს აქტიურად დაიწყეს საუბარი, რუსეთის შავი ზღვის ფლოტისთვის ოჩამჩირეში მეორადი დანიშნულების ნავსადგომის მოწყობაზე, ზოგიერთი მცირე ზომის სარაკეტო კატარღების, მტრალავების და საშუალო ზომის სადესანტო ხომალდების მუდმივი დისლოცირებისთვის.
ამავე წელს რუსეთიდან ოჩამჩირეში შემოცურა ფსკერის მხაპავმა ხომალდმა და ოჩამჩირის ბუხტაში წყლის სიღრმე 3.8 მეტრიდან 9 მეტრამდე გააღრმავეს.
ამის შემდეგ პორტში შესაძლებელი გახდა 10 000 ტონამდე წყალწყვის ხომალდების შესვლაც.
2009 წელს ოჩამჩირის პორტშივე განლაგდა რუსეთის ФСБ-ს სასაზღვრო სამსახურის სანაპირო დაცვის დივიზიონი 4 ცალი Соболь-ის და Мангуст-ის ტიპის თანამედროვე სადარაჯო კატარღებით.
2010 წელს კატარღების რაოდენობა 8-მდე გაიზარდა.
პორტში წყლის სიღრმის მომატებისთვის სამუშაოები შემდეგ წლებშიც გაგრძელდა.
2022 წლის მდგომარეობით პორტის ტერმინალს უკვე შეუძლია მიიღოს ხომალდი 13 000 ტონამდე წყალწყვით და 7,7 მეტრამდე წყალჯდომით.
პორტში არის სამი ნავმისადგომი - ჩრდილოეთის სიგრძეში 115 მეტრი, აღმოსავლეთის 140 მეტრი და სამხრეთის 172,6 მეტრი.
.......
ბოლო პერიოდში უკრაინული რაკეტებით სევასტოპოლის ნავსადგურის დაბომბვის შემდეგ რუსეთმა ხომალდები ნოვოროსიისკში გადმოისროლა, თუმცა ნოვოროსიისკის ბაზასაც არ აცდება მალე რაკეტები. ამიტომ ფიქრობენ კიდევ უფრო სამხრეთ-აღმოსავლეთით გადმოყვანაზე.
მაგალითად ისეთი მნიშვნელოვანი ხომალდები როგორიცაა "კალიბრის" ტიპის ფრთოსანი რაკეტების გამშვები სარაკეტო ფრეგატი Буревестник (პროექტი 11356Р), თავისუფლად განლაგდება ოჩამჩირეში და სპეციალური ჩასატვირთი სისტემის აშენების შემდეგ ზღვაში გასვლამდე სარაკეტო შეიარაღებითაც შეივსება.
შესაბამისად ოჩამჩირის პორტიც უკრაინული რაკეტების პოტენციური, ლეგიტიმური სამიზნე გახდება და აუცილებლად განადგურდება.
ამის შანსები განსაკუთრებით გაიზრდება უკრაინაში F-16 ების გამოჩენის შემდეგ რითაც მათ შეიარაღებაში არსებული საავიაციო ფრთოსანი რაკეტების SCALP NG და Storm Shadow-ს დარტყმების მანძილები საგრძნობლად გაიზრდება.
მიყევით ბმულს - გიგა ინაშვილი
