USD 2.6797
EUR 2.8777
RUB 2.9252
Тбилиси
გიდები სახელმწიფოსგან კომპენსაციას ვერ მიიღებენ
дата:  609

„თუ სახელმწიფოს ნამდვილად უნდა გიდების დახმარება, მაშინ უნდა აიღონ 2019 წლის პერიოდი საზომად ან თქვან, რომ ვერ ეხმარებიან გიდებს“, - ამის შესახებ BM.GE-ის ახალგაზრდა გიდების ასოციაციის დამფუძნებელმა და ხელმძღვანელმა ლაშა ბერეკაშვილმა განუცხადა.

მისი ინფორმაციით, გიდები კორონავირუსის გამო  სახელმწიფოსგან კომპენსაციას ვერ მიიღებენ.

საქმე იმაშია, რომ მთავრობის მიერ ტურიზმის სექტორის დახამრების ანტიკრიზისული გეგმის მიხედვით, კომპენსაციას მიიღებდა დარგში დასაქმებული ყველა მოქალაქე, რომელიც 2020 წლის პირველ კვარტალში მუშაობის დამადასტურებელ დოკუმენტს წარადგენდა. იმის გამო, რომ ამ კატეგორიაში გიდები ვერ ხვდებოდნენ, მათ ტურიზმის ეროვნულ ადმისტრაციას რეკომენედაციით მიმართეს, რომ გიდებისთვის გამონაკლისის სახით, 2019 წლის შესრულებული სამუშაოს დამადასტურებელი დოკუმენტის წარდგენით, კომპენსაცია გაეცათ.

ახალგაზრდა გიდების ასოციაციის ხელმძღვანელის ინფორმაციით, ტურიზმის სექტორში გიდების, გიდი მძღოლების და ტურისტული ავტობუსების მძღოლების რიცხვი, დაახლოებით, 1 500-2 000-მდეა.

“არსებული საკონპენსაციო რეგულაციით, რომელითაც ითხოვენ 2020 პერიოდის პირველი კვარტლის ჩარიცხვის დამადასტურებელ საბუთს, გიდების 95% ამას ვერ წარადგენს, რადგან მათ არ უმუშავიათ იანვრიდან მოყოლებული. მოგეხსენებათ, ტურისტული აქტივობა სეზონურობით ხასიათდება, შესაბამისად, ოქტომბრის ბოლოდან მარტამდე, აქტივობა შენელებულია, რასაც 2020 წელს ზამთრის ტურისტულ ადგილებში, ჯერ უთოვლობა, შემდეგ კი წყლის პრობლემებიც დაერთო და ზამთრის სეზონიც ჩავარდა.

ჩვენი შესაბამის სამსახურებთან, კერძოდ კი, ტურიზმის ადმინისტრაციასთან კომუნიკაციის დროს, თითქოს მივაღწიეთ შეთანხმებას, რომ საზომად აიღებდნენ არა 2020 წლის პირველ კვარტალს, არამედ 2019 წელს გამონაკლისის სახით, მაგრამ როგორც აღმოჩნდა, უბრალოდ გაუგებრობას დაბრალდა და ძალაში დარჩა ის თავდაპირველი პირობა ანუ 2020 წლის ჩარიცხვების ისტორია.

ერთი სიტყვით, თუ მათ ნამდვილად უნდათ გიდების და ტურიზმში ჩართული სხვა თვითდასაქმებულების დახმარება, მაშინ უნდა აიღონ 2019 წლის პერიოდი საზომად ან თქვან რომ ვერ ეხმარებიან გიდებს, აქ სხვა ვარიანტი არ არსებობს. 
არსბული ვერსიით, ის გიდებიც ვერ ხდებიან კონპესაციების მიმღებთა სიაში, რომლებიც რეგისტრირებულნი არიან და მათი დამსაქმებლები იხდიან გადასახადებს, იმის გამო რომ 2020-ში მათაც არ უმუშავიათ და არ უფიქსირდებათ ჩარიცხვის ისტორია“, - აცხადებს ლაშა ბერეკაშვილი.

მისივე ინფორმაციით, ტურიზმის ეროვნულ ადმინისტრაციასთან ამ ეტაპზე დარგის წარმომადგენლები დამატებით კონსულტაციებს გადიან.

წყარო: bm.ge

спорт
ქართველმა მილიარდერმა, მიხეილ ლომთაძემ, ინგლისური საფეხბურთო კლუბი იყიდა

ქართველმა მილიარდერმა, მიხეილ ლომთაძემ, ინგლისური პროფესიული კლუბის Wycombe Wanderers-ს აქციების 90% იყიდა. ამის შესახებ კლუბის ვებგვერდზე გამოქვეყნებულ განცხადებაშია ნათქვამი.

პრესრელიზის მიხედვით, შპს Feliciana EFL-მა საკუთარ მფლობელობაში არსებული აქციების 90% მიხეილ ლომთაძის მფლობელობაში მყოფ Blue Ocean Partners II Limited-ს მიჰყიდა. შედეგად, ლომთაძე გახდა კლუბის დირექტორთა საბჭოს წევრიც. (დირექტორთა საბჭოს ორ ახალ წევრთან - ედუარდ ვიშნიაკოვთან და დანიელ რაისთან ერთად).

ქართველმა მილიარდერმა, კლუბის და გულშემატკივრებისთვის მიწერილ გზავნილში თქვა, რომ ის მსუბუქად არ მოეკიდება აღებულ პასუხისმგებლობას გულშემატკივრების, პერსონალისა და ფეხბურთელების წინაშე.

„ჩვენი მიზანია მივაღწიოთ გრძელვადიან წარმატებებს როგორც მოედანზე, ისე მის ფარგლებს გარეთ ფინანსურად მდგრადი კლუბის აშენებით“, - განაცხადა ლომთაძემ.

1887 წელს დაარსბული Wycombe Wanderers ბუკინგემშირში სამხრეთ-აღმოსავლეთ ინგლისში მდებარეობს.

მიხეილ ლომთაძე არის Kaspi.kz-ის სამი ძირითადი აქციონერიდან ერთ-ერთი. 2024 წლის 1 აპრილის მდგომარეობით იგი ფლობდა ყაზახური ფინტექს კომპანიის საერთო აქციების 22,6%-ს. 2022 წელს მან მეშვიდე ადგილი დაიკავა ყაზახეთის 50 ყველაზე გავლენიანი ბიზნესმენის რეიტინგში.

ლომთაძე ბიძინა ივანიშვილის შემდეგ რიგით მეორე ქართველი მილიარდერია, რომელიც forbes-ის შეფასებით ივანიშვილზე მდიდარია, ხოლო Bloomberg-ის ცნობით, ივანიშვილზე 700 მლნ-ით ნაკლები ქონება აქვს.

более
голосование
ვინ გაიმარჯვებს რუსეთ - უკრაინის ომში?
голосование
Кстати