,
აი, ჩვეულებრივი ადამიანი ვარ და ვხედავ, რომ ამან შეიძლება, ქვეყანას ძალიან მძიმე შედეგი მოუტანოს და რატომ გავაკეთებ ამას? არ გავაკეთებ. 100/50-ზე მომწონს,-ამის შესახებ პარლამენტის პირველმა ვიცე-სპიკერმა გია ვოლსკიმ „პალიტრანიუსის“ გადაცემაში „360 გრადუსი“ განაცხადა, რითაც 2024 წლის საპარლამენტო არჩევნების პროპორციული სისტემით ჩატარების თაობაზე დასმულ კითხვას უპასუხა.
გია ვოლკსიმ 2020 წელს საპარლამენტო არჩევნების პროპორციული სისტემით ჩატარების შემთხვევაში მოსალოდნელ საფრთხეებზე ისაუბრა და აღნიშნა, რომ „წინადადებას, რომელსაც ოპონენტები სთავაზობენ“ ვეღარ მიიღებს.
“თქვენთანაც მითქვამს და სხვაგანაც, რატომ 2024 წელს პროპორციული და რატომ არა 2020-ში? 2020 წელს დაპირისპირების ხარისხი, რომელიც აბსოლუტურად უნდა შენელებულიყო მას შემდეგ, რაც ჩვენ ვთქვით, რომ მზად ვართ, თანახმა ვართ, ამოვუტრიალეთ ხელი ყველას, ვინც 2024-ზე ძლივს დავითანხმეთ, ახლა 2020-ზე დავითახნმეთ, იმის მაგივრად, რომ ჯანსაღი პროცესი წასულიყო, აღვირახსნილი შეტევა დაიწყო, „აბა ხელმოწერების შეგროვება, რომ “ქართული ოცნება” უნდა დაინგრეს, თუნდაც რუსულ პარტიებთან გვქონდეს კოალიცია გასაკეთებელი“, ამან გააღვიძა, ჯერ პატარა კითხვის ნიშანი გააკეთა, მერე გაიზარდა ეს კითხვის ნიშანი, მერე ძახილის ნიშანი მოემატა და სიტუაცია ისეთი შეიქმნა, რომელიც მე მაგალითად არ მაძლევს იმის..აი, მხოლოდ პარტიული, რადგან „ქართულმა ოცნებამ“ თქვა, ამიტომ მე 100/50-ზე ვუჭერ მხარს 2024-შიც, 2028-შიც და ა.შ. ჩემი პირადი შეხედულებით, როგორც ერთი ადამიანის და არა ვიცე-სპიკერის, მე ეგეთ წინადადებას, რასაც ჩვენი ოპონენტები გვთავაზობენ, ვეღარ მივიღებ, ვერა, ვერანაირად“,-განაცხადა გია ვოლსკიმ.
აღნიშნული განცხადების შემდეგ, წამყვანის კითხვაზე: შეიძლება, თუ არა მისი ნათქვამი გაგებულ იქნას ისე, რომ თუ ოპოზიცია გააგრძელებს აქციებს, პროტესტს, და ა.შ. ის არ დაუჭერს მხარს 2024 წელს პროპორციული წესით არჩევნების ჩატარებას?
გია ვოლსკიმ უპასუხა: „აი, ეგრე ვხედავ“.
„მე ვცდილობ, რომ თავი მოგაწონოთ, როგორც ცალკე მდგომმა პოლიტიკოსმა და არა მაინცადამაინც „ქართული ოცნების“. აი, ჩვეულებრივი ადამიანი ვარ და ვხედავ, რომ ამან შეიძლება, ქვეყანას ძალიან მძიმე შედეგი მოუტანოს და რატომ გავაკეთებ ამას? არ გავაკეთებ. 100/50-ზე მომწონს“,-განაცხადა ვოლსკიმ.
დღგ-ის გადახდისგან თავის არიდება რთულდება - საქმე ის არის, რომ 2024 წლის ოქტომბრიდან ძალაში შევიდა ფინანსთა სამინისტროს ახალი რეგულაცია, რომელიც მნიშვნელოვნად შეცვლის დამატებული ღირებულების გადასახადის (დღგ) გადახდისგან თავის არიდების მიზნით შექმნილი სუბიექტების მიმართ სახელმწიფოს დამოკიდებულებას. ეს ცვლილება განსაკუთრებულ გავლენას მოახდენს როგორც მეწარმე ფიზიკურ პირებზე (ინდივიდუალური მეწარმე, მიკრობიზნესი, მცირე ბიზნესი, ფიქსირებული გადასახადის გადამხდელი პირი), ასევე ნებისმიერ წვრილ, ქსელურ, კომპანიებზე.
რა უნდა იცოდეს ბიზნესმა აღნიშნულ ცვლილებებთან დაკავშირებით - ახალ რეგულაციასთან დაკავშირებულ დეტალებს BMG-ისთან DGN Consulting-ის საგადასახადო მენეჯერი ანა ლობჟანიძე განმარტავს.
- კონკრეტულად რას გულისხმობს ფინანსთა მინისტრის გამოცემული ახალი რეგულაცია?
- 2024 წლის ოქტომბრიდან ამოქმედდა ცვლილებები ფინანსთა სამინისტროს N996 ბრძანებაში, რომლებიც დღგ-ის გადახდისგან თავის არიდების სქემების აღკვეთისკენ არის მიმართული. გარკვეული კრიტერიუმების დაკმაყოფილების შემთხვევაში, საგადასახადო ორგანოს უფლება აქვს, რამდენიმე დამოუკიდებელი სუბიექტი განიხილოს ერთ გადამხდელ პირად და ყველა სუბიექტის შემოსავალი ერთობლივად დაბეგროს. აღნიშნული ცვლილება ეხება იმ ბიზნესებს, რომლებიც ახორციელებენ ბიზნესის დანაწევრებას, რათა არ დაუფიქსირდეთ წლიური ბრუნვა 100 000 ლარზე მეტი და ამ მიზნით არეგისტრირებენ სხვა ბიზნესსუბიექტებს, იურიდიული სუბიექტის ან ინდივიდუალური მეწარმის სახით. აღნიშნული სქემით ბიზნეს სუბიექტები თავს არიდებენ დღგ-ის გადახდას.
- რა კრიტერიუმებით იხელმძღვანელებენ საგადასახადო ორგანოები?
- თუ რამდენიმე ბიზნესი აკმაყოფილებს შემდეგ კრიტერიუმებს, მათ საგადასახადო ორგანო ერთ გადამხდელ პირად განიხილავს. კრიტერიუმები შემდეგია:
1. საქმიანობასთან დაკავშირებულ გადაწყვეტილებებს ერთი და იგივე პირი იღებს;
2. საქმიანობის ადგილი და შინაარსი იდენტურია;
3. რომელიმე სუბიექტი დღგ-ის გადამხდელად რეგისტრირებული არ არის.
ამასთანავე, განმარტებულია, თუ რა პირობებში მიიჩნევა გადაწყვეტილებები ერთი და იგივე პირის მიერ მიღებულად. მაგალითად, თუ გადაწყვეტილებები მიიღება ისეთ საკითხებზე, როგორიცაა კონტრაქტორების შერჩევა, ფასების განსაზღვრა, დასაქმების პირობები ან ინვესტიციების განხორციელება.
- როგორ იმოქმედებს ეს ცვლილებები ბიზნესზე?
- ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები. რაც შეიძლება ითვალისწინებდეს დღგ-ს გადამხდელად ნებაყოფლობით რეგისტრაციას და შესაბამისად, საქონლის/მომსახურების ფასში დღგ-ის ასახვას.
- რას ურჩევდით ბიზნესს ამ ცვლილებების გათვალისწინებით?
- ბიზნესი ყურადღებით უნდა დააკვირდეს საკუთარ საქმიანობას და დარწმუნდეს, რომ საქმიანობის პროცესში ითვალისწინებს კანონმდებლობით დადგენილ ახალ კრიტერიუმებს და მიდგომებს. ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები.
წყარო:https://bm.ge/
