,
ისრაელის მიერ განხორციელებულ თავდასხმებს 26 პალესტინელის, მათ შორის 9 ბავშვის, სიცოცხლე ემსხვერპლა, - ამის შესახებ ღაზას სექტორის ჯანდაცვის სამინისტროში აცხადებენ.
მათივე ინფორმაციით, დაშავებულია 122 ადამიანი.
განსხვავებულ ინფორმაციას ავრცელებს ისრაელი და აცხადებს, რომ მოკლულია „ჰამასის“ 15 მებრძოლი, ღაზას სექტორიდან ისრაელის მიმართულებით გამოსროლილი 250 რაკეტის მესამედი კი მანამდე ჩამოვარდა, ვიდრე სამიზნეს მიაღწევდა რასაც პალესტინელ მშვიდობიან მოსახლეობაში მსხვერპლი მოჰყვა.
რაც შეეხება ისრაელის მხრიდან დაშავებულების რაოდენობას, ისრაელის პოლიციამ განაცხადა, რომ ქვეყნის სამხრეთ ნაწილში სარაკეტო დარტყმების შედეგად 31 ადამიანი დაიჭრა.
“ჰამასის“ განცხადებით, მხოლოდ ერთი ხუთწუთიანი შეტევის დროს მათ ქალაქების, აშკელონისა და აშდოდის მიმართულებით 137 რაკეტა გაისროლეს.
„მაგენ დავიდის სასწრაფო სამედიცინო დახმარების სამსახურის“ ინფორმაციით, პალესტინელი მებრძოლების მიერ ნასროლ რაკეტებს ქალაქ აშკელონში ორი ქალის სიცოცხლე ემსხვერპლა. ამასთან, ამავე ქალაქში, ერთ-ერთი რაკეტა სკოლის შენობას მოხვდა, სადაც საგაკვეთილო პროცესი გაუქმდა და შენობა დაიცალა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
