,
აბა, სააკაშვილს უნდა ერქვას მესამე პრეზიდენტი? - გამათხოვრებული დადის ქვეყანაში ხიდან-ხეზე. ეგ უნდა იყოს ჩვენი პრეზიდენტი? - ასე მიმართა პრემიერ-მინისტრმა ირაკლი ღარიბაშვილმა „ნაციონალური მოძრაობის“ წევრებს პლენარულ სხდომაზე.
პრემიერმა მიხეილ სააკაშვილი და „ნაციონალური მოძრაობის“ ხელისუფლება 2008 წლის აგვისტოში შექმნილი საომარი ვითარების გამო კიდევ ერთხელ გააკრიტიკა.
„რუსული ჯარი 2007 წელს გავიდა ქვეყნიდან. კითხვა მაქვს - რატომ დააბრუნეთ რუსული ჯარი 2008 წლის აგვისტოში? თქვენ მოაწერეთ ხელი რეზოლუციას, სადაც წერთ, რომ ომი დაიწყო ქვეყანამ, საქართველომო! სააკაშვილმა დააბრუნა, ხელისუფლებამ დააბრუნა რუსული ჯარი, კი! აბა, სააკაშვილს უნდა ერქვას მესამე პრეზიდენტი? - გამათხოვრებული დადის ქვეყანაში ხიდან-ხეზე? ეგ უნდა იყოს ჩვენი პრეზიდენტი? კაცმა, რომელიც 9 წელი იყო ჩვენი ქვეყნის პრეზიდენტი, დათმო ჩვენი ქვეყნის მოქალაქეობა. საერთოდ რაზე მელაპარაკებით?!“, - მიმართა ოპონენტებს ირაკლი ღარიბაშვილმა, რასაც დარბაზში ხმაური მოჰყვა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
