გერმანიაში დამცავი სამედიცინო აღჭურვილობის დეფიციტი უჩვეულო ფორმით გააპროტესტეს. ამის შესახებ CNN-ი წერს.
გამოცემის ინფორმაციით, ქვეყანაში ამ პრობლემაზე ყურადღებას ვებგვერდი Blanke Bedenken-ი ამახვილებს, რომელზეც სავარაუდოდ სამედიცინო სფეროს თანამშრომლების ფოტოებია ატვირთული. სურათებზე ისინი საავადმყოფოებში გაშიშვლებულები პოზირებენ.
„ჩვენ თქვენი ექიმები ვართ. უსაფრთხოდ რომ გიმკურნალოთ, დამცავი აღჭურვილობა გვჭირდება. როცა არსებული მწირი მარაგი გვითავდება, ასე გამოვიყურებით“, - წერენ კაპმანიის ორგანიზატორები ვებგვერდზე.
ბოლო მონაცემებით, გერმანიაში კორონავირუსის 159 ათაზე მეტი შემთხვევა დაფიქსირდა, გარდაცვლილთა რიცხვი 6 ათასს აჭარბებს.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.