,
გავრცელებული ინფორმაციით, პარტია „ლელო“ ალეკო ელისაშვილთან ერთად თბილისის მერობის კანდიდატად მომღერალ მერაბ სეფაშვილს განიხილავს. საბოლოო კანდიდატის შესარჩევად პარტიამ კვლევა იაგო კაჭკაჭიშვილის ორგანიზაციას დაუკვეთა.
სოციოლოგი „ქრონიკასთან“ კომენტარს არ აკეთებს, თუმცა კვლევის შესახებ ინფორმაციას არ უარყოფს.
„ქრონიკა“ ასევე დაუკავშირდა მერაბ სეფაშვილის პროდიუსერს, რომელიც სეფაშვილის მერობის კანდიდატობასთან დაკავშირებით გავრცელებულ ინფორმაციას უარყოფს.
სახელისუფლებო გუნდში აცხადებენ, რომ „ლელოს“ მიერ შერჩეული კანდიდატები ოპოზიციის რეალურ სახეს აჩვენებს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
