,
გასული კვირის 2-7 სექტემბრის განმავლობაში ეროვნული ვალუტა მცირედით გაუფასურდა როგორც ევროსთან, ასევე აშშ დოლართან მიმართებით, ჯერ-ჯერობით სტატისტიკის მხრივ უცნობია რა იწვევს აღნიშნულ ცვლილებებს, რადგანაც უმეტესი სტატისტიკური მონაცემები რაც მიმდინარე მოვლენებს ასახავს არ გამოქვეყნებულა.
აგვისტოში კი სავარაუდოდ ლარის გამყარების მნიშვნელოვანი ფაქტორი საქართველოში გაზრდილი ტურისტული შემოდინება იყო, თუმცა, ოფიციალურად ტურიზმის სტატისტიკა თვიურ ჭრილში ცნობილი აღარ ხდება და ის მხოლოდ კვარტლის (მესამე კვარტალის) დასრულების შემდეგ გამოქვეყნდება, ეს კი ნიშნავს, რომ უცნობია რამდენი ვიზიტორი სტუმრობდა საქართველოს აგვისტოში. რაც შეეხება ექსპორტს, აგვისტოს ექსპორტის სტატისტიკა ცნობილი გახდება 15 სექტემბერს, იქამდე კი უცნობია რა მოცულობის საქონელი გაიტანა საქართველომ გასული თვის განმავლობაში ექსპორტზე.
ლარის ცვლილება გასული კვირის განმავლობაში ძირითად სავაჭრო პარტნიორებთან ასე ნაწილდება:
აშშ დოლარი - 2.6935 ლარი, გაუფასურება 0.24 თეთრი;
ევრო - 2.9925 ლარი, გაუფასურება 1.16 თეთრი;
გირვანქა სტერლინგი - 3.5487 ლარი, გაუფასურება 0.04 თეთრი;
100 რუსული რუბლი - 2.9961 ლარი, გაუფასურება 4.06 თეთრი;
1 თურქული ლირა - 7.92 თეთრი, გაუფასურება 0.02 თეთრი;
10 უკრაინული გრივნა - 0.657 ლარი, გაუფასურება 0.16 თეთრი;
1000 სომხური დრამი - 6.9465 ლარი, გაუფასურება 0.41 თეთრი;
1 აზერბაიჯანული მანათი - 1.5838 ლარი, გაუფასურება 0.15 თეთრი.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
