ფონიჭალის დასახლების მე-3ა მიკრორაიონის, N6 კორპუსის ამხანაგობის მიმართვის საფუძველზე, კრწანისის რაიონის გამგეობამ სხვადასხვა პროექტი განახორციელა.
კერძოდ, "ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში, კორპუსში ძველი ლიფტები ახლით შეიცვალა, ასევე განახლდა სადარბაზოების შესასვლელების გადახურვა და შესასვლელი კარი.
აღნიშნული სამუშაოებისთვის კრწანისის რაიონის გამგეობის ბიუჯეტიდან 70 000 ლარზე მეტი გამოიყო.
დასრულებულ სამუშაოებს ადგილზე კრწანისის რაიონის გამგებელი ბექა მიქაუტაძე, რაიონის მაჟორიტარ დეპუტატ ლევან ჯაფარიძესთან ერთად, გაეცნო.
