,
ჩვენი ამოცანაა მაქსიმალურად მოკლე ვადებში დავუბრუნდეთ განვითარების იმ ტემპებს, რომლებიც გვქონდა 2019 წლის ბოლოსთვის - განაცხადა ფინანსთა მინისტრმა ივანე მაჭავარიანმა მედიასთან პრემიერ-მინისტრ გიორგი გახარიას წლიური გამოსვლის კომენტირებისას.
"გადამწყვეტი მომენტი ანგარიშში არის ის, რომ 2019 წლის ეკონომიკური პარამეტრები იყო ერთ-ერთი საუკეთესო თანამედროვე საქართველოს ისტორიაში. ზოგჯერ აცხადებენ, რომ 5,1%-იანი ზრდა არ არის საკმარისი და ყოფილა 7 ან 8, პროცენტიანი ზრდაც, მაგრამ ცალკე, ერთი პარამეტრით არასდროს არ ფასდება ეკონომიკა. ჩვენ უნდა ავიღოთ ჯამურად რამდენიმე მნიშვნელოვანი პარამეტრი, როგორიც არის პირველ რიგში, ეკონომკიური ზრდა, მიმდინარე ანგარიშის დეფიციტი, შემდეგ ის პროექტები და ის ინფრასტრუქტურული ინვესტიციები, რომლებსაც სახელმწიფო ახორციელებს, ასევე მნიშვნელოვანია საბიუჯეტო დეფიციტის ოდენობა. აი ასეთი პარამეტრებით, რომ შევხედავთ 2019 წელს, ეს იყო ძალიან ოპტიმალური წელი. დაახლოებით ამ ტემპით ჩვენ, რომ შევძლოთ 7 ან 8 წელი ზედიზედ ზრდა, დამერწმუნეთ, რომ თვისობრივად სხვა ქვეყანას მივიღებთ", - აღნიშნა ფინანსთა მინისტრმა.
მისი თქმით, სამწუხაროდ, გლობალური პანდემიის გამო ზრდის ტემპი 2020 წელს შენელდება მთელ მსოფლიოში და მათ შორის საქართველოშიც.
,,ამიტომ, ახლა ჩვენ გვაქვს ორი მთავარი გამოწვევა: პირველი, რა პრობლემებიც გვიდგას არის ის, რომ მაქსიმალურად შევეხიდოთ ადამიანებს და ასევე კერძო სექტორს. მეორე 2021 წლიდან და შემდგომ წლებში მაქსიმალურად მოკლე ვადებში, დავუბრუნდეთ განვითარების იმ ტემპებს, იმ მაჩვენებლებს, რომლებიც გვქონდა 2019 წლის ბოლოსთვის. აი ეს არის ახლა ყველაზე გადამწყვეტი ეკონომიკის კუთხით”, - განაცხადა ივანე მაჭავარიანმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
