ფილიპინებში 6.9 მაგნიტუდის სიმძლავრის მიწისძვრას 72 ადამიანი ემსხვერპლა - ხელისუფლება გარდაცვლილთა რიცხვის ზრდას არ გამორიცხავს.

თარიღი: 753

ფილიპინების ცენტრალურ ნაწილში 6.9 მაგნიტუდის სიმძლავრის მიწისძვრას 72 ადამიანი ემსხვერპლა. დაშავებულია 200-ზე მეტი.

ქვეყნის პროვინციებში ოცდაოთხ საათზე მეტია, სამძებრო სამუშაოები მიმდინარეობს, მაშველებს მუშაობა უამინდობის პირობებში უწევთ. სტიქიის გამო, გამოცხადებულია საგანგებო მდგომარეობა.

მასშტაბური ნგრევის გამო ათასობით ადამიანი საცხოვრებელი სახლის გარეშე დარჩა. ბოლო ათწლეულის განმავლობაში, ქვეყანაში ეს ყველაზე მასშტაბური მიწისძვრაა.

ადგილობრივი ხელისუფლება გარდაცვლილთა რიცხვის ზრდას არ გამორიცხავს.

თბილისი

ვაკის გამგეობა - უხვი ნალექით გამოწვეული პრობლემების მოგვარება ვაკის რაიონში 24-საათიან რეჟიმში მიმდინარეობს

უხვი ნალექით გამოწვეული პრობლემების მოგვარება ვაკის რაიონში 24-საათიან რეჟიმში მიმდინარეობს. გამგეობის წარმომადგენლები, საქალაქო სამსახურებთან და კონტრაქტორ კომპანიებთან ერთად, მონიტორინგსა და ადგილზე შესაბამის სამუშაოებს ახორციელებენ.

ბოლო რამდენიმე დღის განმავლობაში აქტიურად მიმდინარეობს შიდა ქუჩების თოვლისგან დასუფთავება, საერთო ჯამში, რეაგირება განხორციელდა რამდენიმე ათეულ ქუჩაზე, სადაც მოსახლეობის გადაადგილება განსაკუთრებით პრობლემური იყო.

ამ დროისთვის, 50-მდე ქუჩაზე გზა გასუფთავებულია, ხოლო 20-ზე მეტ მისამართზე სამუშაოები დაგეგმილია

ასევე, აქტიურად მიმდინარეობს დაზიანებული, საფრთხის შემცველი ხეების სხვლა, დამუშავება და გატანა. მერიის ცხელი ხაზის და საგანგებო სამსახურის, 112-ის საშულებით, დაახლოებით, 200-ზე მეტი შეტყობინება შემოვიდა.

მოსახლეობას შევახსენებთ, რომ საჭიროების შემთხვევაში, შეგიძლიათ დარეკოთ მერიის ცხელ ხაზზე, ნომერზე 032 2 72 22 22.

სრულად

გამოკითხვა

თქვენი აზრით, არის თუ არა დღეს ქვეყანაში პოლიტიკური კრიზისი?