,
.jpg)
იაპონიის ქალაქ ოსაკაში მიმდინარე „ჩელენჯერის“ სერიის საერთაშორისო ტურნირზე „კინოშიტას თასი - 2025" სპორტული წყვილების პროგრამაში ანასტასია მეტელკინასა და ლუკა ბერულავას წყვილმა ვერცხლის მედალი მოიპოვა.
მათ მოკლე პროგრამა 75,32 ქულით დაასრულეს, თავისუფალ პროგრამაში კი 137, 58 ქულა მოაგროვეს და ორი პროგრამის ჯამში 212,90 ქულით ვიცე-ჩემპიონები გახდნენ. წყვილმა ახალ სეზონში ახალი პროგრამით პირველად იასპარეზა.
სპორტსმენები ტურნირზე სპორტის სამინისტროს მხარდაჭერით იმყოფებიან.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
