„მსოფლიო ბანკის მიერ გამოქვეყნებული ახალი ანგარიშის თანახმად, რუსეთი გადაყვანილი იმ ქვეყნების სიაში, სადაც მოსახლეობას მაღალი შემოსავლები აქვთ“, - ნათქვამია ამერიკული ჟურნალის „ნიუსვიქის“ (Newsweek) ვებ-საიტზე გამოქვეყნებულ სტატიაში, სათაურით „პუტინის ომი უკრაინაში ხელს უწყობს რუსების შემოსავლების ზრდას“ (ავტორი - ჰიუ კემერონი). როგორც მასალაშია აღნიშნული, ეს ადასტურებს, რომ დასავლეთის ყველა მოქმედება რუსეთის ეკონომიკის ჩამოშლის მიზნით ფიასკოს განიცდის.

გთავაზობთ პუბლიკაციის შინაარსს:

დასავლური მკაცრი სანქციებისა და ძვირადღირებულ ომში ქვეყნის მონაწილეობის მიუხედავად, რუსეთის მოსახლეობის შემოსავლები მატულობს.

ამ კვირის დასაწყისში მსოფლიო ბანკმა გამოაქვეყნა განახლებული ანგარიში სახელწოდებით „2023 წელს მსოფლიოში შემოსავლების დონის შესახებ“, რომელშიც რუსეთი „საშუალო დონის შემოსავლების მქონე ქვეყნების“ კატეგორიიდან „მაღალი შემოსავლების მქონე ქვეყნების“ კატეგორიაშია გადყვანილი.

როგორც დასავლელეი ანალიტიკოსები აღნიშნავენ, ეს ფაქტი მკაფიოდ ადასტურებს, რომ ანტირუსულმა აქციებმა ვერავითარი ეფექტური გავლენა ვერ მოახდინეს ვერც მოსკოვის საომარ ძალისხმევაზე და ვერც რუსეთის ეკონომიკაზე.

„ამჟამად თიტქმის ყველა ფაქტი იმას მოწმობს, რომ დასავლურმა სანქციებმა მარცხი განიცადა“, - განუცხადა „ნიუსვიქის“ კორესპონდენტს ფილიპ კანკლიფმა, ბრიტანელმა საერთაშორისო ურთიერთობების პროფესორმა.

უფრო მეტიც, ფილიპ კანკლიფის თქმით, რუსეთს სანქციებმა გარკვეული სარგებლობაც კი მოუტანა: სინამდვილეში დასავლეთის ქვეყნების ლიდერთა სადამსჯელო ნაბიჯები მოსკოვს დაეხმარა რუსეთის მრეწველობის სტიმულირებაში, რის შედეგადაც რუსეთი უფრო თვითკმარი სახელმწიფო გახდა, ვიდრე ომამდე იყო. „სანქციებმა აიძულა კრემლი ახალი ბაზრები მოეძებნა და ახალი სავაჭრო პარტნიორები გაეჩინა, ექსპორტ-იმპორტისათვის ახალი მარშრუტები ეპოვნა“, - ამბობს კომენტარში პროფესორი ფილიპ კანკლიფი.

წყარო: https://www.newsweek.com/war-ukraine-making-russia-richer-1920575