ნიდერლანდებში ახალი შეზღუდვების წინააღმდეგ საპროტესტო აქცია გაიმართა. ათასობით დემონსტრანტი გამოვიდა ავსტრიის, ხორვატიის და იტალიის ქუჩებში გამკაცრებული წესების გასაპროტესტებლად. ინფორმაციას BBC ავრცელებს.

ჯანდაცვის მსოფლიო ორგანიზაციამ კონტინენტზე კორონავირუსის შემთხვევების ზრდის გამო შეშფოთება გამოხატა.

ჯანმო-ს ევროპის რეგიონული დირექტორის დოქტორ ჰანს კლუგეს განცხადებით, თუ მთელ ევროპაში ზომები არ გამკაცრდება, მომდევნო გაზაფხულზე შესაძლოა კიდევ ნახევარი მილიონი ადამიანი გარდაიცვალოს.

,, Covid-19 კვლავ გახდა სიკვდილიანობის ნომერ პირველი მიზეზი ჩვენს რეგიონში ”, - აღნიშნა ჰანს კლუგემ და დასძინა, რომ ვირუსთან საბრძოლველად ვაქცინა, ნიღბების ტარების წესების დაცვა და ,,Covid საშვები“ უნდა იყოს გამოყენებული.

გამოცემის ცნობით, არაერთ ქვეყანაში მზარდი ინფიცირების დაძლევის მიზნით ახალ შეზღუდვები აამოქმედეს. რუსეთში ბოლო რამდენიმე დღეა სიკვდილიანობის რეკორდული მაჩვენებელი ფიქსირდება, ინფიცირებულთა რაოდენობამ იმატა ავსტრიასა და გერმანიაშიც.