,
ევროკომისია უახლოეს დღეებში რუსეთის წინააღმდეგ სანქციების მე-19 პაკეტს წარადგენს. Sky News-ის ინფორმაციით, რომელიც დიპლომატურ წყაროებს ეყრდნობა, ახალი პაკეტი შესაძლოა პარასკევს წარადგინონ.
მოსალოდნელია, რომ ახალი სანქციები ამჯერად შუა აზიის ორი ქვეყნის ბანკებს შეეხება. ეს ნაბიჯი ევროკავშირის ძალისხმევას წარმოადგენს, შეზღუდოს რუსეთისთვის სანქციების გვერდის ავლით ფინანსური ოპერაციების განხორციელება.
წინა, მე-18 სანქციების პაკეტში შეზღუდვები დაუწესდა ორ ჩინურ ბანკს, ასევე ინდოეთის უმსხვილეს ნავთობგადამამუშავებელ ქარხანას, Nayara-ს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
