,
დღეს ევროკომისია ყოვლისმომცველ სტრატეგიას წარადგენს, რომელიც ევროკავშირში ტურისტული ბიზნესის კოორდინირებულ გახსნაზეა მიმართული. აღნიშნული სტრატეგიის დეტალებს გამოცემა Euractiv-ი ავრცელებს.
სტრატეგიის ფარგლებში ევროკომისია საზღვრების გახსნის სამეტაპიან მიდგომას წარადგენს, რომელიც ევროკავშირის იმ წევრ სახელმწიფოებს აერთიანებს, რომლებსაც რისკების ანალოგიური მახასიათებლები აქვთ.
ევროპის დაავადების კონტროლისა და პრევენციის ცენტრი იმ რეგიონების სიას შეადგენს, სადაც ვირუსის გავრცელების დონე დაბალია.
ევროკომისიაში აღნიშნავენ, რომ პანდემიის გამო მსოფლიო ტურისტული ინდუსტრია დაახლოებით 400 მილიარდ ევროს დაკარგავს. ევროკომისიის სტრატეგიაში ასევე ნახსენებია მზადყოფნის გეგმა, რაც ვირუსის მეორე ტალღის შემსუბუქებას ხელს შეუწყობს.
აქამდე ეკონომიკის საკითხებში ევროკომისარმა, პაოლო ჯენტილონიმ განაცხადა, რომ უსაფრთხოებისა და შეზღუდვების დაცვის გათვალისწინებით ევროკავშირში ტურისტული სეზონი, შესაძლოა, შედგეს.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
