USD 2.6978
EUR 2.9112
RUB 2.9177
Тбилиси
ევროკავშირმა რუსეთს ეკონომიკური სანქციები კიდევ 6 თვით გაუხანგრძლივა
дата:  881

ევროკავშირის წევრმა ქვეყნებმა ექვსი თვით ოფიციალურად გაახანგრძლივეს ეკონომიკური სანქციები, რომლებიც რუსეთს დაუწესდა უკრაინის კონფლიქტში მისი როლის გამო.

 

ევროპის საბჭომ 29 ივნისს გადაწყვიტა მომავალი წლის 31 იანვრამდე დატოვოს ძალაში შემზღუდავი ზომები, რადგან "კვლავაც არ არის მიღწეული ... სრული განხორციელება" მინსკის შეთანხმებებისა, რომლებსაც აღმოსავლეთ უკრაინაში კონფლიქტი უნდა დაესრულებინა - ამბობს საბჭო განცხადებაში.

ევროპის ქვეყნების ლიდერები 19 ივნისს გამართულ სამიტზე შეთანხმდნენ, რომ სანქციებს მას შემდეგაც გაახანგრძლივებდნენ, როცა მათ 31 ივლისს ვადა ამოეწურებოდა.

სანქციები პირველად 2014 წლის ივლისში შემოიღეს, რუსეთის მხრიდან უკრაინის დონეცკისა და ლუგანსკის რეგიონებში სეპარატისტების მხარდაჭერისთვის კონფლიქტში, რომელსაც 13,000-ზე მეტი ადამიანი ემსხვერპლა.

მას შემდეგ სანქციებს, რომელთა ძირითადი სამიზნეა რუსეთის ფინანსური, ენერგეტიკის და თავდაცვის ინდუსტრიები, ყოველ ექვს თვეში უგრძელებენ მოქმედების ვადას.

ევროკავშირმა რუსეთს სანქციები დაუწესა ასევე უკრაინის ყირიმის ნახევარკუნძულის ანექსირებისთვის 2014 წლის მარტში.

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати