,
საქართველოს მთავრობამ კურსის ცვლილებისადმი მყარი ერთგულება უნდა აჩვენოს და ევროკავშირში გაწევრიანების გზას დაუბრუნდეს, - ამის შესახებ ნათქვამია ევროკავშირის გაფართოების პოლიტიკაზე 2025 წლის კომუნიკეში, რომელიც 4 ნოემბერს გამოქვეყნდა.
ანგარიშის თანახმად, საქართველომ სასწრაფოდ უნდა შეაბრუნოს დემოკრატიის მხრივ უკუსვლა.
“საქართველომ სასწრაფოდ უნდა შეაბრუნოს დემოკრატიის მხრივ თავისი უკუსვლა და ყოვლისმომცველი და ხელშესახები ძალისხმევა გაიღოს, რათა მუშაობა დაიწყოს გამორჩეულ წუხილებზე და რეფორმებზე, რომლებიც კანდიდატი ქვეყნისთვის გამოქვეყნებული ცხრა ნაბიჯის შესაბამისად მრავალპარტიული მხარდაჭერითა და ეფექტური სამოქალაქო მონაწილეობით შემუშავდება და სრულად დაიცავს ევროკავშირის ღირებულებებსა და პრინციპებს, რაზეც ევროკავშირია დაფუძნებული.
ევროპული საბჭოს 2024 წლის დეკემბრის დასკვნების შემდეგ, რომ საქართველოს მთავრობის ქმედებებმა ფაქტობრივად გამოიწვია გაწევრიანებამდე პროცესის გაჩერება, და მას შემდეგ საბაზისო საკითხებზე საქართველოს მიმდინარე უკუსვლის ფონზე, ევროკომისია საქართველოს კანდიდატ ქვეყნად მხოლოდ სახელით მიიჩნევს.
საქართველოს მთავრობამ კურსის ცვლილებისადმი მყარი ერთგულება უნდა აჩვენოს და ევროკავშირში გაწევრიანების გზას დაუბრუნდეს”, - ნათქვამია ევროკავშირის გაფართოების პოლიტიკაზე 2025 წლის კომუნიკეში, რომელიც 4 ნოემბერს გამოქვეყნდა.
ირანის სასამართლოს განცხადებით, ერფან სოლტანის სიკვდილით დასჯა არ აქვს მისჯილი, - ინფორმაციას The Guardian-ი ირანის სახელმწიფო მედიაზე დაყრდნობით ავრცელებს.
ირანის სასამართლოს ცნობით, 10 იანვარს საპროტესტო აქციებზე დაკავებული 26 წლის ერფან სოლტანი ქარაჯის ცენტრალურ სასჯელაღსრულების დაწესებულებაში იმყოფება.
სასამართლოს განცხადებით, სოლტანის ბრალი წაუყენეს „ქვეყნის შიდა უსაფრთხოების წინააღმდეგ შეთქმულებისა და რეჟიმის წინააღმდეგ პროპაგანდული საქმიანობისთვის“.
სასამართლოს განცხადებაში აღნიშნულია, რომ მსგავს ბრალდებებზე სიკვდილით დასჯა არ ვრცელდება.
მანამდე, სოლტანის ოჯახმა ინფორმაცია გაავრცელა, რომ ერფანის სიკვდილით დასჯა გადაიდო.
