ბრიუსელში ევროკავშირის ლიდერების შეხვედრა გაიმართა, სადაც მხარეები მომავალი შვიდი წლის ბიუჯეტზე შეთანხმების მიღწევას ცდილობდნენ. ბიუჯეტის დამტკიცებისას უმთავრეს პრობლემას Brexit-ის შედეგად გამოწვეული ფინანსური დანაკარგი წარმოადგენს. მომდევნო დღეების განმავლობაში 27 წევრი სახელმწიფოს ლიდერებმა უნდა მოიფიქრონ თუ როგორ შეავსებენ ორგანზიაციის ბიუჯეტში 75 მილიარდი ევროს დანაკლისი.

ამის გამო კლიმატის ცვლილების, მიგრაციის შეჩერების, უსაფრთხოების საკითხებისა და სხვა აქტუალურ პრობლემებისთვის შესაძლოა ბიუჯეტში საკმარიის სახსრები არ აღმოჩნდეს. ოფიციალური პირები აცხადებენ, რომ იმ შემთხვევაში თუ წლის ბოლოსთვის გარიგება ვერ მოხდება, 2021 წლიდან ბლოკს პროექტების უმრავლესობის შეჩერება მოუწევს.