,
ევროკავშირი მიმდინარე წლის 12 ოქტომბრიდან საზღვრის კვეთის ახალ სისტემას აამოქმედებს.
გავრცელებული ინფორმაციის თანახმად, ახალმა სისტემამ პასპორტებში ჩვეული შტამპები ბიომეტრიული რეგისტრაციით უნდა ჩაანაცვლოს. ის ეტაპობრივად შენგენის ზონის ყველა ქვეყანაში დაინერგება.
სიახლე ევროკავშირის არაწევრი ქვეყნების მოქალაქეებს შეეხება. აღსანიშნავია, რომ ახალი სისტემა შეეხება ყველა ადამიანს, ვინც ევროკავშირს ტურისტული მიზნით მოკლე ვადით სტუმრობს, მიუხედავად იმისა, საზღვრის კვეთისას მას ვიზა სჭირდება, თუ არა.
ახალი სისტემა საზღვრის კვეთისას თითოეული მოგზაურის სახელსა და გვარს, მისი პასპორტის მონაცემებს, ბიომეტრიულ მონაცემებს (სახეს, თითის ანაბეჭდებს) და საზღვრის კვეთის ზუსტ დროსა და ადგილს ჩაიწერს. სისტემა აგრეთვე შეინახავს იმ მოგზაურების მონაცემებს, რომლებსაც ევროკავშირში შესვლაზე უარს ეტყვიან.
ახალი სისტემის დანერგვით ევროკავშირის სავიზო პოლიტიკა არ იცვლება. იმ ქვეყნის მოქალაქეს, რომელსაც შენგენის ზონაში უვიზოდ გადაადგილების უფლება აქვს, მგზავრობას ვიზის გარეშე კვლავ შეეძლება.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
