,
„ევოლუშენ ჯორჯიას“ თანამშრომლების ნაწილი 12 ივლისიდან უვადო გაფიცვას იწყებს.
გაფიცვაში მონაწილეები “ევოლუშენ ჯორჯიას” მენეჯერებს დამამცირებელ და შეურაცხმყოფელ დამოკიდებულებაში ადანაშაულებენ და ღირსეული სამუშაო გარემოს შექმნას მოითხოვენ.
როგორც მათ აღნიშნეს, უწყვეტი გაფიცვა გაგრძელდება მანამ, ვიდრე მოთხოვნები არ დაკმაყოფილდება.
მათივე ინფორმაციით, თავდაპირველად გაფიცვას 5000-მდე პირი შეუერთდება.
გაფიცვას მონაწილე ასევე იქნებ აგრო მეურნეობის, ვაჭრობისა და მრეწველობის პროფკავშირი „ლაბორის“ პირველადი პროფესიული გაერთიანება - „ევო-კავშირის” წევრებიც.
„უკვე 2 წელია პროფკავშირი “ლაბორი” და მის შემადგენლობაში მყოფი “ევო-კავშირი”, რომელიც დაფუძნებულია “ევოლუშენში” დასაქმებულებისგან, აწარმოებს მოლაპარაკებებს ღირსეული შრომითი უფლებებისთვის “ევოლუშენ ჯორჯიაში”.
ცნობილია, “სქრინები”, რაც ბოლო პერიოდში გავრცელდა, ზუსტად ისეთივე დამოკიდებულება იყო ამ მოლაპარაკებებში, რაც "სქრინებში" წაიკითხეთ. “ევოლუშენი” ოპერირებს, რომ ეს არის პირველი სამუშაო სივრცე, მაგრამ, ეს არის სტუდენტების ექსპლუატაციის სივრცე.
ამიტომ, ჩვენ, 12 ივლისს, 12:00 საათზე, ანაზღაურების გაზრდის და ღირსეული სამუშაო პირობებისთვის ვიწყებთ უვადო, სრულმასშტაბიან გაფიცვას პრობლემების და მოთხოვნების სრულ დაკმაყოფილებამდე, მანამ, ვიდრე ამ ადამიანებს არ ექნებათ ღირსეული შრომითი უფლება, არ იქნება აკრძალული სექსისტური, რასისტული დისკრიმინაციული განცხადებები და მოპყრობები. ვითხოვთ, საზოგადოების მხარდაჭერას. „ევოლუშენში“ 8500-მდე ადამიანია დასაქმებული, ძირითადად სტუდენტები არიან და არ უნდა იგრძნონ თავი შრომის ბაზარზე ექსპლუატირებულებად”, - აღნიშნა “ლაბორის” თავმჯდომარემ გიორგი დიასამიძემ.
ცნობისათვის, ონლაინ-მედია "მაუწყებლის" პლატფორმამ რამდენიმე დღის წინ გაავრცელა ინფორმაცია, სადაც აღნიშნავდნენ, რომ „ევოლუშენ ჯორჯიას“ კომპანიის მენეჯერები დამამცირებელ და შეურაცხმყოფელ დამოკიდებულებას იჩენდნენ დასაქმებულებისადმი.
“მაუწყებლის” ცნობით, მენეჯერების "ჩატის" მიმოწერები მათ ანონიმურად მიაწოდეს.
აღნიშნულს გამოეხმაურა „ევოლუშენ ჯორჯიაც“. კომპანიის მიერ გავრცელებულ განცხადებაში აღნიშნულია, რომ „დაწყებულია შესაბამისი ქმედებები, რათა გამოკვლეულ იქნას პრობლემის სათავე და უმკაცრესი ზომები მიიღონ".
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
