,
ბრიტანული საერთაშორისო საინფორმაციო სააგენტო „როიტერი“ (Reuters) თავის ვებ-გვერდზე აქვეყნებს სტატიას სათაურით „დონალდ ტრამპს მხარს უჭერს რესპუბლიკელთა 47%, რონ დე სანტისს კი მხოლოდ 19%“ (ავტორი - ჯეისონ ლენგი), რომელშიც ბოლო პერიოდში ჩატარებული საზოგადოებრივი გამოკითხვის შედეგებია განხილული.
გთავაზობთ პუბლიკაციას:
დონალდ ტრამპს თავისივე პარტიის წევრთა შორის მხარდამჭერთა იმაზე მეტი რაოდენობა ჰყავს, ვიდრე მის სერიოზულ მოწინააღმდეგეს - ფლორიდის გუბერნატორ რონ დესანტისს.
"როიტერისა" და "იპსოსის" ერთობლივი, 7-დღიანი გამოკითხვით ჩანს, რომ ტრამპის რეიტინგი ივნისის მონაცემებთან შედარებით, რამდენიმე პროცენტითაც კია გაუმჯობესებული და ახლა რესპუბლიკელთა 47% ემხრობა იმას, რომ ის პარტიის საპრეზიდენტო კანდიდატი იყოს. დესანტისის ნომინირებას კი 19% უჭერს მხარს.
დანარჩენი რესპუბლიკელი პოლიტიკოსები, რომლებმაც არჩევნებში მონაწილეობის სურვილი გამოთქვეს, ტრამპსა და დესანტისს მნიშვნელოვნად ჩამორჩებიან. ვივეკ რამასვომის კანდიდატად ნახვა, გამოკითხვის თანახმად, რესპუბლიკელთა 9%-ს სურს, ყოფილ ვიცე-პრეზიდენტს, მაიკ პენსს კი ნომინაციაში 7% უჭერს მხარს.
რამასვომს ივნისის იგივე გამოკითხვაში მხოლოდ 3% უჭერდა მხარს. ბიოტექნოლოგიური კომპანიის ყოფილი აღმასრულებელი დირექტორი თავისი კანდიდატურის პოპულარიზებაში დიდ თანხას ხარჯავს. შაბათს თქვვა, რომ საკუთარი კამპანიისთვის დაახლოებით 15 მილიონი დოლარი გამოყო.
"როიტერისა" და "იპსოსის" ერთობლივ კვლევაში 4 414 ზრდასრული მოქალაქე მონაწილეობდა მთელი ქვეყნის მასშტაბით. მისი ცდომილება დაახლოებით +/- 2% შეიძლება იყოს. როგორც ირკვევა, დონალდ ტრამპი კვლავ მოქმედი დემოკრატი პრეზიდენტის, ჯო ბაიდენის უმთავრესი მეტოქეა. გამოკითხული მოქალაქეებიდან, რომლებსაც ჰიპოთეეტურად ბაიდენსა და ტრამპს შორის უნდა გაეკეთებინათ არჩეევანი, 37% ბაიდენს დაუჭერდა მხარს, ტრამპს კი - 35%. გამოკითხულთა 28% ამბობს, რომ მათ ჯერ ან არ გადაუწყვეტიათ ვის მისცენ ხმა, ან სხვა კანდიდატს დაუჭერენ მხარს.
ამასთან, საინტერესოა, რომ პარტიის წევრთა მიღმა, მოქალაქეებს არც ტრამპი მოსწონთ, და არც - ბაიდენი. რაც შეეხება დამოუკიდებელ ამომრჩეველს, მათგან 31% ტრამპის მიმართაა დადებითად განწყობილი, 32 კი - უფრო ბაიდენის.
80 წლის ბაიდენი ამერიკის ყველაზე ხანდაზმული პრეზიდენტია. გამოკითხულ დემოკრატთა 63 % ამბობს, რომ ის მთავრობის ლიდერობისთვის ზედმეტად ასაკოვანია. 37% კი ამ მოსაზრებას ეწინააღმდეგება. მაგრამ მიუხედავად ამისა, ბაიდენი საკუთარ პარტიაში უფრო პოპულარულია, ვიდრე ტრამპი - რესპუბლიკელებში. პარტიის 63% ბაიდენს მხარს უჭერს. ვაქცინების მოწინააღმდეგე აქტივისტს - უმცროს რობერტ ფიცჯერალდ კენედის 15%-იანი მხარდაჭერა აქვს.
სხვადასხვა სამუშაოების ჩატარების გამო 19 სექტებერს ელექტრომომარაგება დროებით შეიზღუდება
კრწანისის რაიონი
გადაუდებელი სამუშაოების გამო 06:00 საათიდან 08:00 საათამდე შეზღუდვა შეეხება: სოფელი ტაბახმელას, სოფელი წავკისის, სოფელი შინდისის და სოფელი კოჯრის მოსახლეობას.
საბურთალოს რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: გიორგი სააკაძის დაღმართის, 26 მაისის მოედნის, პეკინის გამზირის, იყალთოს, ხვიჩიას, კოსტავას, არჩილ სულაკაურის, სულხან ცინცაძის, ბახტრიონის, ვახტანგ ჭაბუკიანის, იოსებიძის, საბურთალოს და მიროტაძის ქუჩების მოსახლეობას.
გადაუდებელი სამუშაოების გამო 10:00 საათიდან 11:00 საათამდე შეზღუდვა შეეხება: ნუცუბიძის პლატოს II, III, IV, V მიკრორაიონების, ქანთარიას, ჟღენტის, გაბუნიების და ინტენსიფიკაციის ქუჩების მოსახლეობას.
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: აბაშიძე-ორბელიანის და ვეფხისტყაოსნის ქუჩების მოსახლეობას.
გლდანის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გლდანის მასივის I, II, III, IV, VII მიკრორაიონების, ლაზოს, სარაჯიშვილის, შუშინის, ტაძრის, ილორის, ილია ვეკუას, წყალსადენის, გელა ჭედიას, ფორე მოსულიშვილის, მონასტრის, იპოლიტოვ-ივანოვის, ჭელიძის, შეშელიძის, ხიზანიშვილის და კუფტინის ქუჩების მოსახლეობას.
ისნის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ვაზისუბნის II მიკრორაიონის (ნაწილობრივ) მოსახლეობას.
ნაძალადევის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გურამიშვილის გამზირის (ნაწილობრივ), ცოტნე დადიანის, ჟველაურის, იფნევის, ბოგვის, ქვიშხეთის, ხევისუბნის, დვირის, ჟინვალის, ზვარეთის, კვერნაულის, ლიახვის, ჭოპორტის, ერწოს, არალეთის, ედისის, გუდამაყრის, ბუაჩიძის და თიანეთის ქუჩების მოსახლეობას.
