«Reuters» (დიდი ბრიტანეთი): „დიდი გამარჯვება“: დონალდ ტრამპი უზენაესი სასამართლოს გადაწყვეტილებას ეხმაურება“

Date: 593

ბრიტანული საინფორმაციო-ანალიტიკური სააგენტო „როიტერი“ (Reuters) თავის ვებ-გვერდზე აქვეყებს სტატიას სათაურით „დიდი გამარჯვება“: დონალდ ტრამპი უზენაესი სასამართლოს გადაწყვეტილებას ეხმაურება“ (ავტორები - ენდრიუ ჩუნგი და ჯონ კრუზელი).

გთავაზობთ პუბლიკაციის ტექსტს:

„დიდი გამარჯვება ამერიკისთვის“ - ასე ეხმაურება ამერიკის 45-ე პრეზიდენტი დონალდ ტრამპი აშშ-ის უზენაესი სასამართლოს გადაწყვეტილებას, რომლის მიხედვითაც ტრამპი შეძლებს კოლორადოს შტატის რესპუბლიკური პარტიის შიდაპარტიულ არჩევნებში მონაწილეობის მიღებას. 4 მარტს, უზენაესმა სასამართლომ გააუქმა შტატის სასამართლოს გადაწყვეტილება, რომელიც ყოფილ პრეზიდენტს არჩევნებში მონაწილეობის საშუალებას უზღუდავდა.

კოლორადოს სასამართლოს გადაწყვეტილება ამერიკის ექვსი მოქალაქის სარჩელს ეფუძნება, რომლებიც ამტკიცებდნენ, რომ ტრამპს კონსტიტუციის მეთოთხმეტე მუხლის მესამე ნაწილის დარღვევის გამო, რაც აჯანყებაში მონაწილეობას გულისხმობს, არჩევნებში მონაწილეობის მიღების უფლება არ უნდა ჰქონოდა. მოსარჩელეები მიიჩნევენ, რომ დონალდ ტრამპმა 2021 წლის 6 იანვარს კაპიტოლიუმზე მომხდარ თავდასხმას ხელი შეუწყო.

1860-იან წლებში მიღებული შესწორება, რომელიც აჯანყებაში მონაწილე პირს „აშშ-ის ოფიცერს“ საჯარო თანამდებობის დაკავებას უზღუდავს, წლების განმავლობაში მხოლოდ 8-ჯერ იქნა გამოყენებული, თუმცა არასდროს ყოფილი პრეზიდენტის წინააღმდეგ.

კოლორადოს სასამართლოს გადაწყვეტილების გაუქმების შესახებ გადაწყვეტილებას მხარი უზენაესი სასამართლოს ყველა მოსამართლემ დაუჭირა .

„რატომ უნდა გადაწყვიტოს ერთმა შტატმა, ვინ იქნება შეერთებული შტატების პრეზიდენტი?“ - იკითხა სხდომაზე მოსამართლე ელენა კაგანმა, რომელიც მოსამართლედ უზენაეს სასამართლოში ბარაკ ობამას პრეზიდენტობის დროს დაინიშნა.

კოლორადოს მსგავსად დონალდ ტრამპის არჩევნებში მონაწილეობის საკითხი კითხვის ნიშნის ქვეშ დგას ამერიკის 10-ზე მეტ შტატში, მათ შორის, მეინში და ილინოისში, სადაც საკითხის განხილვა უზენაეს სასამართლოში შეტანილი სარჩელის გამო შეწყდა.

კოლორადოში დონალდ ტრამპის წინააღმდეგ სასამართლო დავა ამერიკის ექვსმა მოქალაქემ დაიწყო, საიდანაც ოთხი რესპუბლიკური პარტიის წევრი ხოლო ორი არაპარტიული ადამიანი იყო. მოსარჩელეთაგან ერთ-ერთი 91 წლის რესპუბლიკელი ნორმა ანდერსონია, პირველი ქალი, რომელიც კოლორადოს შტატის წარმომადგენელთა პალატას, შემდეგ კი შტატის სენატს ხელმძღვანელობდა.

წყარო: https://www.reuters.com/legal/trump-wins-colorado-ballot-disqualification-case-us-supreme-court-2024-03-04/

tbilisi

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.