ბრიტანული საინფორმაციო-ანალიტიკური სააგენტო „როიტერი“ (Reuters) მუდმივად თვალს ადევნებს და აქვეყნებს აშშ-ში მიმდინარე იმ პოლიტიკურ პროცესებს, რომლებიც  შიდაპარტიულ პრაიმერიზებს და საპრეზიდენტო კანდიდატების საქმიანობას ეხება.  ერთ-ერთ ასეთ მასალას წარმოადგენს სტატია სათაურით „დონალდ ტრამპის გუნდმა სასამართლო  გადასახდელი ჯარიმის ოდენობის შემცირებაში დაარწმუნა“ (ავტორები - ჯერ ქუინი და ლიუკ ქოენი).

გთავაზობთ პუბლიკაციის ტექსტს:

25 მარტს აშშ-ის ყოფილმა პრეზიდენტმა დონალდ ტრამპმა წარმატებას მიაღწია სასამართლოში და მას მხოლოდ 175 მილიონი დოლარის ნაღდი ფულის ან ამ ღირებულების ობლიგაციების წარდგენა მოუწევს 10 დღის განმავლობაში. თავდაპირველად, ჯარიმის ოდენობა 454 მილიონი დოლარი იყო.

სასამართლოს დადგენილება არ მისცემს ნიუ-იორკის შტატის ხელისუფლებას იმის საშუალებას, რომ დონალდ ტრამპს აქტივები ჩამოართვას.  თავის მხრივ, დონალდ ტრამპმს აღნიშნული ჯარიმის წარდგენა მოუწევს, რათა მის წინააღმდეგ გამამტყუნებელი განაჩენი გაასაჩივროს.

ნიუ-იორკის სამოქალაქო საქმეზე დონალდ ტრამპის პასუხისმგებლობა მილიარდობით დოლარის თაღლითურად გაბერვისთვის დადგა, რათა მიეღო უკეთესი სესხი და სადაზღვევო პირობები. ტრამპის თქმით, საქმე პოლიტიკური ვენდეტაა.

დონალდ ტრამპს დაეკისრა ზარალის და დამატებით მიღებული შემოსავლის გადახდის ვალდებულება. ეს გადაწყვეტილება აჭიანურებს გადაწყვეტილების აღსრულებას ამ საქმეზე და ყოფილი პრეზიდენტის გუნდს მისი გასაჩივრების შანსს აძლევს.

ნიუ-იორკის გენერალური პროკურორის ლატიშა ჯეიმსის ოფისმა, რომელიც საქმეში ბრალდების მხარეა, თქვა, რომ დონალდ ტრამპს "ჯერ კიდევ ემუქრება პასუხისმგებლობა მისი განსაცვიფრებელი თაღლითობისთვის".

„მე დიდ პატივს ვცემ სააპელაციო განყოფილების გადაწყვეტილებას და ძალიან სწრაფად წარვადგენ 175 მილიონ აშშ დოლარს ნაღდ ფულში, ობლიგაციებით ან ფასიანი ქაღალდებით ან რაც საჭიროა“, - განუცხადა დონალდ  ტრამპმა ჟურნალისტებს ნიუ-იორკის სასამართლოში.

დონალდ ტრამპმის წინააღდეგ ოთხი სისხლის სამართლის საქმეა აღძრული. სულ ყოფილი პრეზიდენტის წინააღმდეგ საქმეები 91 ბრალდებას მოიცავს და ის მრავალმილიონიან სამოქალაქო დავების განაჩენებს უმკლავდება.

დონალდ ტრამპის გუნდის იურიდიული მანევრირების შედეგად სამი სისხლის სამართლის პროცესი გადაიდო, თუმცა ნიუ-იორკის მოსამართლემ 25 მარტს დაადგინა, რომ მეოთხე საქმეზე, რომელიც პორნოვარსკვლავისთვის გადახდილ ფულს ეხება, სასამართლო 15 აპრილს დაიწყება.

ამ შემთხვევაში, აშშ-ის ყოფილ ლიდერს ბრალად ედება პორნოვარსკვლავისთვის 130,000 დოლარის გადახდა დუმილის სანაცვლოდ 2016 წლის საარჩევნო კამპანიის წინ, რათა მას არ ესაუბრა საჯაროდ დონალდ ტრამპთან 10 წლის წინანდელ კავშირზე.

პაუზის მინიჭებამდე, დონლად ტრამპს ორშაბათს უნდა წარედგინა 454 მილიონი დოლარის გადახდის გარანტია, რათა საქმე გაესაჩივრებინა. წინააღმდეგ შემთხვევაში, პროკურორ ლატიშა ჯეიმსს შეეძლო სასამართლოსთვის მოეთხოვა გადაწყვეტილების აღსრულება და მისი აქტივების ჩამორთმევა, მათ შორის, ძვირფასი უძრავი ქონების, როგორიცაა "40 უოლ სტრიტის" შენობა, მანჰეტენზე.

ცალკე სამოქალაქო საქმეში, დონალდ ტრამპმა 91,6 მილიონი დოლარის გადახდის გარანტია წარადგინა. ამით მან დაფარა მწერალ ეუჯინ კეროლის ცილისწამების საქმეზე განაჩენით გათვალისწინებული ჯარიმა. ეუჯინ კეროლი მას მატყუარად მოხსენიების გამო უჩიოდა, მას შემდეგ, რაც ყოფილი პრეზიდენტი, მან ათწლეულების წინ გაუპატიურებაში დაადანაშაულა. დონალდ ტრამპი ამ გადაწყვეტილებასაც ასაჩივრებს.

სისხლის სამართლის საქმეები, რომლებსაც დონალდ ტრამპი უმკლავდება, უკავშირდება 2020 წლის არჩევნების შედეგების შეცვლის მცდელობას, საიდუმლო დოკუმენტების შენახვას თანამდებობის დატოვების შემდეგ და პორნოვარსკვლავის საქმეს.

დონალდ ტრამპი ბრალდებებს უარყოფს და მათ პოლიტიკად მოტივირებულად აფასებს.

წყარო: https://www.reuters.com/legal/trump-has-hours-cover-454-million-judgment-or-risk-property-seizure-2024-03-25/