,
აფხაზეთის უზენაესი სასამართლო საქართველოს მოქალაქის ქრისტინე თაკალანძის წინააღმდეგ სახელმწიფო უსაფრთხოების სამსახურის მიერ აღძრული სისხლის სამართლის საქმეს ჯაშუშობის მუხლით განიხილავს. მას ბრალად ედება საქართველოს სპეცსამსახურებისთვის დაცული საიდუმლო ინფორმაციის შეგროვება და გადაცემა. სასამართლო პროცესი დახურულ კარს მიღმა მიმდინარეობს. მისი ადვოკატი ავთანდილ ჭკადუა თვლის, რომ თაკალანძის წინააღმდეგ სისხლის სამართლის საქმე უკანონოდ აღიძრა, ვინაიდან საქმის მასალებში მის ბრალეულობის დამადასტურებელი მტკიცებულებები არ არის.
გასული წლის ივლისში აფხაზეთის სახელმწიფო უსაფრთხოების სამსახურმა საქართველოს მოქალაქე ქრისტინე თაკალანძე დააკავა. ქრისტინე თაკალანძე დაიბადა საქართველოში, ქალაქ ზუგდიდში, 24 წლის, ცხოვრობდა გალის რაიონის სოფელ ნაბაკევში, არ აქვს აფხაზეთის მოქალაქეობა.
აფხაზეთის სახელმწიფო უსაფრთხოების სამსახურის ინფორმაციით, ქრისტინე თაკალანძემ, შეაგროვა და საქართველოს სპეცსამსახურების წარმომადგენლებს გადასცა ინფორმაცია, რომელიც წარმოადგენს აფხაზეთის კანონმდებლობით დაცულ სახელმწიფო, სამხედრო და სხვა საიდუმლოებას. პროკურატურა მიიჩნევს, რომ მისმა საქმიანობამ შეუქმნა შესაძლებლობა საქართველოს სახელმწიფო უსაფრთხოების სამსახურს გამოიყენოს გადაცემული ინფორმაცია კონსტიტუციური წესრიგისა და აფხაზეთის რესპუბლიკის სუვერენიტეტის დასაზიანებლად.
2022 წლის 25 ივლისს აფხაზეთის სახელმწიფო უსაფრთხოების სამსახურის საგამოძიებო დეპარტამენტმა საქართველოს სასარგებლოდ ჯაშუშობაში ეჭვმიტანილი ქრისტინე თაკალანძის წინააღმდეგ სისხლის სამართლის საქმე აღძრა. სოხუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
გამოძიება დასრულებულია, 8 დეკემბერს სისხლის სამართლის საქმის მასალები აფხაზეთის რესპუბლიკის უზენაეს სასამართლოს გადაეცა. პროკურატურამ ქრისტინა თაკალანძეს ბრალი წაუყენა აფხაზეთის რესპუბლიკის სისხლის სამართლის კოდექსის 274-ე მუხლით - „ჯაშუშობა“, პასუხისმგებლობის ზომა ითვალისწინებს სასჯელის სახით თავისუფლების აღკვეთას ათიდან თხუთმეტ წლამდე ვადით.
პროცესი დახურულ კარს მიღმა მიმდინარეობს, ქრისტინე თაკალანძის ინტერესებს სასამართლოში ადვოკატი ავთანდილ ჭკადუა იცავს. „ეხო კავკასუსთან“ ინტერვიუში მან თავისი მოსაზრება გამოთქვა ქრისტინა თაკალანძისთვის წარდგენილ ბრალდებებზე, ისაუბრა პატიმრობის პირობებზე და მისი დაცვის ქვეშ მყოფის ჯანმრთელობის მდგომარეობაზე.
- ავთანდილ, გთხოვთ, კომენტარი გააკეთოთ ქრისტინე თაკალანძის წინააღმდეგ აღძრული სისხლის სამართლის საქმეზე? შეიძლება თუ არა იმის თქმა, თუ რა სახის ზიანს მიყენებას ედავება მას გამოძიება აფხაზეთის უსაფრთხოებისთვის?
- ამ შემთხვევაში შემიძლია ვთქვა შემდეგი: ჩემი დაცვის ქვეშ მყოფის ქმედებებში არ არის ჯაშუშობის შემადგენელი დანაშაული. ვინაიდან მას არ ჩაუდენია უკანონო ქმედებები, არ შუგროვებია ინფორმაცია, არ გადასულა სხვა უცხო სახელმწიფოში, მას უკანონოდ წაუყენეს ბრალი ჯაშუშობაში და არ არსებობს საკმარისი მტკიცებულება იმისა, რომ მან ჩაიდინა ისეთი სახელმწიფო დანაშაული, როგორიცაა ჯაშუშობა. ჩვენ დავიწყეთ სასამართლო გამოძიება, მოვიწვიეთ თარჯიმანი და ველოდებით. ხვალ სხვა პროცესი იქნება. სავარაუდოდ, სასამართლო პროცესის დროს დადგინდება სიმართლე და დაცვის მხარე იმედოვნებს, რომ ვერავინ დაადასტურებს, რომ მან ჩაიდინა დანაშაული „ჯაშუშობის“ მუხლით.
როგორ გრძნობს თავს თქვენი კლიენტი? და სად იმყოფება ის?
- ჩემი დაცვის ქვეშ მყოფი აფხაზეთის რესპუბლიკის სახელმწიფო უსაფრთხოების სამსახურის დროებითი მოთავსების იზოლატორშია მოთავსებული. მისი ჯანმრთელობის მდგომარეობა დამაკმაყოფილებელია, ვერ ვიტყვი, რომ მის მიმართ იყო ჩადენილი უკანონო ქმედებები, თავს კარგად გრძნობს, ჩვენებას აძლევს, ყველა კითხვას პასუხობს. ამასთან დაკავშირებით, დროებითი მოთავსების იზოლატორში მყოფი თანამშრომლების მიმართ პრეტენზია არ არსებობს.
- თქვენი წვდომა არანაირად არ არის შეზღუდული? შეგიძლიათ ყოველთვის დაუკავშირდეთ მას საჭიროების შემთხვევაში?
- აბსოლუტურად. ყოველთვის მქონდა ასეთი შესაძლებლობა, სურვილის შემთხვევაში შემეძლო შევხვედროდი ჩემს კლიენტს და შემეძლო შეუზღუდავი საუბარი. ამაში პრობლემები არ არის.
- სწორად გავიგე, რომ მისი უფლებების დარღვევას ადგილი არ ქონია?
- მისი უფლებები პატიმრობის პირობებთან დაკავშირებით დაცულია. მაგრამ პირადად მე მიმაჩნია, რომ მისი დაკავება უკანონოა, რადგან არ არის საკმარისი მტკიცებულება მის ქმედებებში ისეთი დანაშაულის ჩამოყალიბებისთვის, როგორიცაა ჯაშუშობა. შესაბამისად, დაცვის მხარე მიიჩნევს, რომ მის წინააღმდეგ სისხლის სამართლის საქმე უკანონოდ არის აღძრული.
- ავთანდილ, რა პერსპექტივა აქვს თქვენს კლიენტს?
- ჩვენ ვეყრდნობით სისხლის სამართლის საქმის მასალებში არსებულ ფაქტებს, რომლებიც არ წარმოადგენს ჯაშუშობას. ბუნებრივია, ჩვენ ველით და ვიმედოვნებთ, რომ სასამართლო გამოძიება სამართლიანი იქნება, ასე რომ, ჩვენ გვაქვს პერსპექტივები.
- მის მშობლებს, ნათესავებს, ახლობლებს თუ აქვთ მასთან წვდომა? მას შეუძლია მიიღოს საჭირო ნივთები, საკვები, რა მდგომარეობაა ამ მხრივ?
- როგორც ვიცი, ამაში მას არავინ ზღუდავდა.
- სასამართლო მიმდინარეობს დახურულ კარს მიღმა, ჟურნალისტებს არ აქვთ უფლება გამოთქვან აზრი, გამოაქვეყნონ მასალები და ა.შ. სასამართლო გამოძიების დასრულებამდე. პროცესს ესწრებოდა ადამიანის უფლებათა კომისარი ქალბატონი ასიდა შაკრილი, სასამართლომ დააკმაყოფილა მისი მოთხოვნა და მას უფლება აქვს დაესწროს სასამართლო სხდომებს.
დღეს აფხაზეთის უზენაესმა სასამართლომ მორიგი სასამართლო სხდომა გამართა, რომელმაც ჯაშუშობის საქმე საქართველოს სასარგებლოდ განიხილა. მაგრამ დახურული პროცესის პირობებში სასამართლო არ იძლევა ამის გაშუქებას და მასალების გამოქვეყნებას.
წყარო: https://www.ekhokavkaza.com
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
