USD 2.6978
EUR 2.9112
RUB 2.9177
თბილისი
ესპანეთი ხორვატიის საფეხბურთო ომი და დრამა ბუქარესტში
თარიღი:  397

ეს მატჩი ფინალს დაამშვენებდა 

ევროპის ჩემპიონატის 1/8 ფინალში ესპანეთმა საოცარ მატჩში ხორვატია დამატებით დროში 5:3 დაამარცხა.

ესპანეთი თავიდანვე დიდ ტერიტორიულ და სათამაშო უპირატესობას დაეუფლა, მეტოქის ნახევარზე დაბანაკდა და მე-15 წუთზე პედრის პასის შემდეგ კოკეს მართებდა გატანა, მაგრამ მის მიერ დარტყმული ბურთი მეკარე ლივაკოვიჩმა ფეხით მოიგერია. შემდეგი იერიშისას საჯარიმოში ჩაწოდებული ბურთი ხელზე ხორვატთა მცველ ვიდას მოხვდა, მაგრამ მსაჯმა ჩაქირმა პენალტი არ დანიშნა. მე-20 წუთზე კი უნაი სიმონმა კურიოზული გოლი გაუშვა და სლავები დაწინაურდნენ. „ფურია როხამ“ ანგარიში 38-ე წუთზე გაათანაბრა, როდესაც შტურმი სარაბიამ დააგვირგვინა და პირველი

ტაიმი ფრედ დასრულდა.

მეორე ტაიმში „ფურია როხამ“ შეტევები გააძლიერა და 56-ე წუთზე ასპილიკუეტამ თავურით დალაშქრა მოწინააღმდეგის კარი. ხორვარტია უკვე მდევრის როლში აღმოჩნდა და იძულებული შეიქნა მეტოქის კარზე იერიშები მიეტანა - გვარდიოლის გატანა გოლკიპერმა არ დაანება. 76-ე წუთზე კი ფ. ტორესმა დაამწუხრა ლივაკოვიჩი და ესპანეთი 2 ბურთით გაიჭრა წინ. თითქოს ყველაფერი დასრულდა, თუმცა, ხორვატია არ დანებდა და ჯერ ორშიჩმა ანგარიში მინიმუმამდე შეამცირა, ხოლო კომპენსირებულ დროში პაშალიჩმა გაათანაბრა და დამატებითი დრო დაინიშნა.

მესამე ტაიმის დასაწყისში ორშიჩმა ოდნავ ააცილა მიზანს, კრამარიჩის 3 მეტრიდან დარტყმული ბურთი უნაი სიმონმა მოიგერია, საპასუხო იერიშისას მორატამ გაიტანა და ლუის ენრიკეს გუნდი ისევ წინ გავიდა. 103-ზე ოიარსაბალმაც უწია მიზანს და ანგარიში 3:5 გახდა. დასკვნით მეოთხედში ბუდიმირმა ვერ გამოიყენა შანსი, ხორვატიას ეტყობა ძალაც გამოელია, ესპანეთმა თამაში დააწყნარა და ლოგიკურ დასასრულამდე მიიყვანა.


ესპანეთი მეოთხედფინალში საფრანგეთსა და შვეიცარიას შორის გამარჯვებულს შეხვდება.

კოპენჰაგენი. „პარკენი“
ხორვატია - ესპანეთი 3:5
გოლები: 1:0 პედრი (20, საკ. კარში), 1:1 სარაბია (38), 1:2 ასპილიკუეტა (56), 1:3 ფ. ტორესი (76), 2:3 ორშიჩი (85), 3:3 პაშალიჩი (90+3), 3:4 მორატა (100), 3:5 ოიარსაბალი (103)

. მატჩის საუკეთესო ფეხბურთელად ბუსკეტსი დაასახელეს.
. ესპანეთი დიდი ტურნირის მეოთხედფინალში 2012 წლის შემდეგ პირველად გავიდა.
. მიმდინარე ტურნირზე 9 ავტოგოლი გავიდა - იმდენივე რამდენიც ევროს ისტორიაში.
. 18 წლისა და 215 დღის პედრი ყველაზე ახალგაზრდა ფეხბურთელი გახდა, რომელმაც ევროს პლეი-ოფის სასტარტოში ითამაშა. მან რუნის რეკორდი დაამხო.
. ესპანეთმა ბოლო 3 მატჩში ხორვატიას 13 გოლი გაუტანა.
. ესპანეთმა ევროპირველობაზე ზედიზედ 2 მატჩში გაიტანა 5 გოლი, რაც პირველად მოხდა.
 

მბაპემ პენალტი გააცუდა და მსოფლიოს ჩემპიონი ევროპირველობას დაემშვიდობა

 
ევროპის ჩემპიონატის 1/8 ფინალში შვეიცარიამ საფრანგეთი პენალტების სერიაში დაამარცხა და ისტორიაში პირველად გავიდა მეოთხედფინალში.

შვეიცარია მსოფლიოს ჩემპიონს მედგრად დაუდგა, პირველ ტაიმში ნაღდი საგოლე მომენტი არ შეაქმნევინა, თავად კი სეფეროვიჩის გოლით დაწინაურდა. მეორე ტაიმის დასაწყისში პავარმა ცუბერი საჯარიმოში წააქცია, მსაჯმა ვიდეოგამეორების ნახვის შემდეგ პენალტი დანიშნა, ლორისმა კი გოლის გატანა როდრიგესს არ დაანება და მოედანზე სიტუაცია მკვეთრად შეიცვალა: ჯერ მბაპემ ოდნავ ააცილა ბურთი კარს, შემდეგ ბენზემამ ორწუთიან მონაკვეთში დუბლი შეასრულა და შესაძლო 0:2-ის ნაცვლად ტაბლოზე 2:1 დაფიქსირდა.

შემდეგ პოგბამ შორიდან ლამაზი გოლი
 
გაიტანა და 3:1. თუმცა, ცოტა ხანში სეფეროვიჩმა თავურით დუბლი შეასრულა და ანგარიში მინიმუმამდე შეამცირა. 85-ე წუთზე გავრანოვიჩმა ლორისის კარი დალაშქრა, მაგრამ გოლი თამაშგარეს გამო არ ჩაუთვალეს. მაინც გაიტანა გავრანოვიჩმა, ოფსაიდის გარეშე - კიდევ ერთი 3:3 და კიდევ ერთი დამატებითი დრო დღევანდელ პლეი-ოფებში.

დამატებით დროში ანგარიში არ შეიცვალა, ხოლო პენალტების სერიაში ბოლო თერთმეტმეტრიანი მბაპეს ზომერმა აუღო და შვეიცარიამ გაიმარჯვა.

შვეიცარია 2 ივლისს სანკტ-პეტერბურგში მეოთხედფინალში ესპანეთს შეხვდება.

ბუქარესტი. „ნაციონალა“
საფრანგეთი -შვეიცარია 3:3 (პენ 4:5)
გოლები: 0:1 სეფეროვიჩი (15), 1:1 ბენზემა (57), 2:1 ბენზემა (59), 3:1 პოგბა (75), 3:2 სეფეროვიჩი (81), 3:3 გავრანოვიჩი (90)
გამოუყენებელი პენალტი: როდრიგესი (55)

. მატჩის საუკეთესო ფეხბურთელად ჯაკა აღიარეს.
. საფრანგეთი დიდ ტურნირზე პენალტების სერიაში ზედიზედ მეორედ დამარცხდა - ადრე ეს მსოფლიოს 2006 წლის ჩემპიონატის ფინალში მოხდა.
. მბაპემ ტურნირი უგოლოდ დაასრულა - მხოლოდ 1 საგოლე პასი გააკეთა.
. საფრანგეთი უკანასკნელი 5 დიდი ტურნირიდან მეოთხედფინალში პირველად ვერ გავიდა.
. შვეიცარია ბოლოს დიდ ტურნირზე 1954 წელს იყო გასული - მუნდიალზე.
. შვეიცარიამ 61 წლის შემდეგ პირველად გაუტანა საფრანგეთს 3 გოლი.
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.