ცესკო 26 ოქტომბრის საპარლამენტო არჩევნების 20:00 საათის მდგომარეობით, აქტივობის შედეგებს აქვეყნებს. არსებული ინფორმაციით, 20:00 საათისთვის საკუთარი ხმა დააფიქსირა 2,060,412 მოქალაქემ, რაც ამომრჩეველთა 58.94%-ია. ეს მოიცავს უშუალოდ საქართველოს ტერიტორიაზე არსებული აქტივობის მაჩვენებლებს.
აქტივობები წინა არჩევნებზე ასე ნაწილდებოდა: 2020 წლის არჩევნები 56.11% (1,970,540 მოქალაქე), 2016 წლის არჩევნები 51.63% (1,814,276 მოქალაქე), 2012 წლის არჩევნები 60.8% (2,197,243 მოქალაქე).
26 ოქტომბრის არჩევნებისთვის ამომრჩეველთა საერთო რაოდენობა 3 508 294-ს შეადგენს. ელექტრონული ტექნოლოგიების გამოყენებით მიიღებს არჩევნებში მონაწილეობას 3 113 747 ამომრჩეველი. წელს პირველად ეძლევა არჩევნებში მონაწილეობის შესაძლებლობა 135 922 ახალგაზრდას. გადასატანი ყუთის სიაში 64 238 ამომრჩეველია. სხვა სახელმწიფოში შექმნილი საარჩევნო უბნების სპეციალურ სიებში ამომრჩეველთა რაოდენობა კი 95 910-ია.