რეტროსპექტულ გამოფენაზე ალექსანდრე ციმაკურიძისა და მისი მოსწავლეების - კორნელი სანაძის, პეტრე ბლიოტკინის, შალვა და იორამ მამალაძეების, მიხეილ ხვიტიას, ლეოპოლდ ძაძამიძის, კოტე გძელიშვილის, რუსუდან ჯავრიშვილის, ნატალია ფალავანდიშვილის და ირინე რაზმაძის - პეიზაჟები სახელმწიფო და კერძო კოლექციებიდან არის წარმოდგენილი.
აღსანიშნავია, რომ 2022 წელს ცნობილი პეიზაჟისტი მხატვრის - ალექსანდრე ციმაკურიძის - დაბადებიდან 140 წელი შესრულდა. საიუბილეო თარიღთან დაკავშირებით საქართველოს კულტურისა და სპორტის სამინისტროს ხელშეწყობით გამოიცა ქართული პეიზაჟური სკოლის ერთ-ერთი მესაძირკვლის, ალექსანდრე ციმაკურიძის, და მისი პეიზაჟური სკოლის წარმომადგენელთა შესახებ წიგნ-ალბომი, რომლის პრეზენტაცია გამოფენის გახსნაზე გაიმართა.
