,
შაბათ-კვირას ჰაკერების ფორუმზე გამოქვეყნდა ფაილი, რომელიც შეიცავს ინფორმაციას 4,934,863 ქართველ ამომრჩეველზე, მათ შორის გარდაცვლილ მოქალაქეებზეც.
მონაცემები შეიცავს პერსონალური ინფორმაციას, როგორიცაა სახელი გვარი, მისამართი, დაბადების თარიღი, პირადობის მოწმობის ნომრები და მობილური ტელეფონის ნომრები.
ინფორმაცია გაზიარებულია ონლაინ რეჟიმში, 1.04 GB MDB (Microsoft Access მონაცემთა ბაზაში) ფაილში.
მონაცემების გაჟონვა დააფიქსირა მონაცემთა დარღვევების მონიტორინგისა და პრევენციის სამსახურმა და ამის შესახებ ინფორმაცია გამოქვეყნდა პორტალ https://www.zdnet.com/-ზე.
2019 წლის აღწერის მონაცემებით, საქართველოში ცხოვრობს 3.7 მილიონი მოქალაქე - რომელთაგან მესამედზე მეტი არასრულწლოვანია და მათ ხმის მიცემის უფლება არ აქვთ.
აღსანიშნავია, რომ მონაცემთა ბაზა მოიცავდა 4,934,863 ჩანაწერს და ის არ იყო განახლებული, რადგან შეიცავდა ინფორმაციას მილიონამდე გარდაცვლილ ამომრჩეველზე.
წყარო:https://www.zdnet.com
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
